Dagskráin í dag: Körfubolti, fótbolti, golf og rafíþróttir

Stöð 2 Sport

Subway-deild karla í körfubolta ræður ríkjum á Stöð 2 Sport í kvöld, en klukkan 18:05 hefst bein útsending frá Þorlákshöfn þar sem Íslandsmeistararnir fá nýliða Breiðabliks í heimsókn.

Klukkan 20:00 er svo Suðurnesjaslagur á dagskrá þegar Njarðvíkingar fá Grindvíkinga í heimsókn. Að þeim leik loknum, eða klukkan 22:00, er Subway Körfuboltakvöld á dagskrá þar sem farið verður yfir allt það helsta úr liðinni umferð.

Stöð 2 Sport 2

Martin Hermannsson og félagar hans í Valencia taka á móti Murcia í átta liða úrslitum spænsku bikarkeppninnar í körfubolta klukkan 17:20.

Klukkan 19:40 er svo komið að ensku 1. deildinni í fótbolta þegar Bournemouth og Nottingham Forest eigast við.

Stöð 2 Sport 3

Nágrannaslagur Juventus og Torino í ítölsku úrvalsdeildinni í fótbolta er á dagskrá á Stöð 2 Sport 3 klukkan 19:35.

Stöð 2 Sport 4

Klukkan 20:55 hefst bein útsending frá Lengjubikar karla þar sem Leiknir R. tekur á móti Vestra frá Ísafirði.

Stöð 2 Golf

Bein útsending frá The Genesis Invitational á PGA-mótaröðinni hefst á slaginu 21:00 og leiðir golfþyrsta áhorfendur inn í nóttina.

Stöð 2 eSport

Ljósleiðaradeildin í CS:GO er á sínum stað og eins og áður eru tveir leikir á dagskrá. Skipuleggjendur mótsins eru ekki mikið fyrir það að breyta út af vananum og hefst útsending klukkan 20:15 eins og alltaf.