Fram í átta liða úrslit eftir öruggan sigur

Fram trónir á toppi Olís-deildarinnar á meðan að Víkingar sitja um miðja Grill66 deild og því mátti búast við því að munurinn á liðunum yrði mikill.

Þó var nokkuð jafnræði með liðunum á upphafsmínutum leiksins og þegar fyrri hálfleikur var um það bil hálfnaður var staðan jöfn, 9-9.

Gestirnir í Fram vöknuðu þá til lífsins og náðu fimm marka forskoti fyrir hlé, en staðan var 17-12 þegar gengið var til búningsherbergja.

Framkonur héldu áfram þar sem frá var horfið í síðari hálfleik og sigur þeirra var aldrei í hættu. Liðið vann að lokum öruggan sigur, 3623, og tryggði sér um leið sæti í átta liða úrslitum þar sem liðið mætir annað hvort ÍR eða Gróttu.