Erlent

Kóalabirnir í útrýmingarhættu

Gunnar Reynir Valþórsson skrifar
Björnunum stendur ógn af jarðraski og gróðureldum, svo eitthvað sé nefnt.
Björnunum stendur ógn af jarðraski og gróðureldum, svo eitthvað sé nefnt.

Kóalabirnir í Ástralíu eru nú komnir á lista yfir dýr í útrýmingarhættu á austurströnd landsins en gríðarleg fækkun hefur orðið í stofninum síðustu árin.

Jarðrask, gróðureldar, þurrkar og sjúkdómar hafa hoggið stórt skarð í stofninn og er nú svo komið að dýrin teljast í útrýmingarhættu í þremur ríkjum landsins. 

Stjórnvöld hafa verið sökuð um að gera lítið í málefnum þessara ástsælu dýra en árið 2012 voru þau sett á válista. Síðan þá hefur aðeins syrt í álinn hjá þeim og fækkunin hefur haldið áfram. 

Rannsóknir benda til að dýrin gætu orðið útdauð á svæðinu fyrir árið 2050, verði ekki gripið til aðgerða.

Ástralía Dýr Dýraheilbrigði

Mest lesið


Fleiri fréttir

Sjá meira


×

Mest lesið