Íslenski boltinn

Leiknir fær kantmann sem lék fyrir pólska landsliðið

Sindri Sverrisson skrifar
Maciej Makuszewski lék þrjá leiki fyrir Pólland í undankeppni HM 2018 en var ekki í lokahópnum sem fór á sjálft mótið í Rússlandi.
Maciej Makuszewski lék þrjá leiki fyrir Pólland í undankeppni HM 2018 en var ekki í lokahópnum sem fór á sjálft mótið í Rússlandi. Getty/Andrew Surma

Leiknir hefur samið við pólska kantmanninn Maciej Makuszewski sem leikið hefur fimm A-landsleiki fyrir pólska landsliðið í fótbolta.

Makuszewski er 32 ára gamall og var í 35 manna úrtakshópi Pólverja fyrir heimsmeistaramótið í Rússlandi árið 2018, þó að ekki hafi hann endað í lokahópnum með Robert Lewandowski og félögum.

Makuszewski lék síðast fyrir Jagiellonia Białystok í heimalandinu en árin 2016-2020 var hann hjá hinu öfluga liði Lech Poznan.

Leiknismenn eru stórhuga eftir að hafa í fyrsta sinn í sögunni tekist að halda sæti sínu í efstu deild, á síðustu leiktíð, þegar þeir enduðu í 8. sæti.

Leiknismenn hafa sótt sér liðsstyrk í vetur og fengu á dögunum danska sóknarmanninn Mikkel Dahl frá HB í Þórshöfn en hann setti markamet í efstu deild Færeyja í fyrra þar sem hann skoraði 27 mörk í 25 deildarleikjum.

Annar danskur leikmaður, Mikkel Jakobsen, kom frá NSÍ Runavík í Færeyjum en hann er 22 ára vinstri kantmaður og miðjumaður. Þeir Jakobsen og Dahl gerðu báðir samning til tveggja ára við Leikni.

Miðvörðurinn Óttar Bjarni Guðmundsson og miðjumaðurinn Sindri Björnsson sneru einnig aftur heim í Breiðholtið, auk þess sem Leiknir sótti sér Róbert Hauksson, tvítugan sóknarmann frá Þrótti Reykjavík.

Pepsi Max deildir karla og kvenna eru á Stöð 2 Sport. Deildirnar eru hluti af Stöð 2 Sport Ísland sem kostar 3.990 krónur á mánuði.

Pepsi Max-deild karla Leiknir Reykjavík

Mest lesið


Fleiri fréttir

Sjá meira


×

Mest lesið