Morata er í láni hjá Juventus frá Atlético Madrid. Ítalska liðið ætlar þó ekki að nýta sér forkaupsrétt á honum eftir að tímabilinu lýkur.
Xavi, nýr knattspyrnustjóri Barcelona, hefur mikinn áhuga á að fá Morata á láni og það strax í janúar.
Til liðka fyrir því er Barcelona tilbúið að selja Memphis Depay til Juventus. Ekki er þó vitað hversu mikinn áhuga Juventus hefur á hollenska landsliðsmanninum. Barcelona fékk Memphis á frjálsri sölu frá Lyon í sumar. Hann hefur skorað átta mörk í 21 leik fyrir félagið.
Þrátt fyrir félagið sé stórskuldugt keypti Barcelona Ferran Torres frá Manchester City í fyrradag. Hann gerði fimm ára samning við Barcelona.
Næsti leikur Barcelona er gegn Mallorca á útivelli á sunnudaginn. Börsungar eru í 7. sæti spænsku úrvalsdeildarinnar.
