Íslendingarnir höfðu hægt um sig er Magdeburg sigraði toppslaginn

Heimamenn í Sävehof byrjuðu af miklum karfti og komust í 7-2 snemma í fyrri hálfleik. Þýsku gestirnir vöknuðu þá til lífsins og náðu að jafna metin áður en flautað var til hálfleiks, en staðan var 11-11 þegar gengið var til búningsherbergja.

Magdeburg náði svo yfirhöndinni í síðari hálfleik og náðu mest sex marka forystu í stöðunni 18-24. Eftir það var sigur þeirra í raun aldrei í hættu, en lokatölur urðu 26-29. Hvorki Ómar Ingi né Gísli Þorgeir komust á blað í kvöld, en Ómar lagði upp þrjú mörk fyrir liðsfélaga sína.

Magdeburg er sem fyrr á toppi C-riðils nú með 11 stig eftir sex leiki, þremur stigum meira en Sävehof sem situr í örðu sæti.