Dag­skráin í dag: Meistara­deild Evrópu í brenni­depli

Stöð 2 Sport 2

Við hefjum daginn snemma með leik París Saint-Germain og Club Brugge í UEFA Youth League. Real Madríd tekur svo á móti Inter frá Mílanó klukkan 14.55 í sömu keppni.

Klukkan 19.15 hefst upphitun fyrir leiki kvöldsins í Meistaradeild Evrópu. Klukkan 19.50 er svo komið að leik Real og Inter.

Klukkan 22.00 eru Meistaradeildarmörkin á dagskrá. Þar verður farið yfir öll mörk kvöldsins.

Stöð 2 Sport 3

Fyrsti leikur dagsins í Meistaradeild Evrópu er viðureign RB Leipzig og Manchester City. Hann hefst klukkan 17.35. Að honum loknum er leikur Borussia Dortmund og Besiktas á dagskrá.

Stöð 2 Sport 4

Ajax og Sporting mætast í Amsterdam, útsending hefst klukkan 19.50 og leikurinn tíu mínútum síðar.

Stöð 2 E-Sport

Klukkan 20.15 hefst útsending frá leikjum kvöldsins í Vodafone-deildinni en þar er keppt í tölvuleiknum CS:GO.