Útgefandi tölvuleikjaseríunnar Call of Duty hannar nýtt kerfi til að sporna gegn svindli

Tölvuleikjaserían er gríðarlega vinsæl og hefur Call of Duty: Warzone notið mikilla vinsælda hér á landi. Leikurinn er skotleikur þar sem allt að hundrað og fimmtíu manns keppa. Aðeins einn einstaklingur, eða lið eftir atvikum, stendur uppi sem sigurvegari. The Verge segir frá. 

Nýja kerfið mun innihalda reiknirit sem kannar hegðun notenda. Að auki verður teymi sérfræðinga sett á fót, sem mun koma til með að rannsaka mögulegt svindl í leiknum.

Activision hafa bannað þúsundir svindlara síðan leikurinn kom út en svindlurum hefur, að sögn rafíþróttamanna, tekist að skemma leikinn fyrir mörgum. Atvinnumenn í rafíþróttum hafa biðlað til framleiðandans um að stemma stigu við auknu svindli innan leiksins. Activision virðast ætla að reyna að koma til móts við þær óskir.