Á 58. mínútu freistaði Casemiro þess að vinna boltann af leikmanni Betis. Það tókst ekki betur en svo að hann tæklaði dómara leiksins, Alejandro Hernández. Hann lá kylliflatur eftir hörkutæklingu Brassans.
Hernández hafði þó húmor fyrir atvikinu, þeir Casemiro göntuðust og skildu á endanum sáttir.
Casemiro takes out the ref pic.twitter.com/hAZ1W0iIhl
— ESPN FC (@ESPNFC) August 28, 2021
Casemiro slapp við gult spjald í þessu tilfelli en fékk síðan áminningu í uppbótartíma.
Real Madrid vann leikinn, 0-1. Dani Carvajal skoraði markið á 61. mínútu eftir sendingu Karims Benzema.
Með sigrinum komst Real Madrid á topp deildarinnar. Liðið er með sjö stig líkt og Sevilla, Valencia og Mallorca. Atlético Madrid getur náð toppsætinu með sigri á Villarreal í dag.
