Aukaspyrnumark Messi dugði ekki til

Lionel Messi var að sjálfsögðu á sínum stað í byrjunarliði Argentínu og hann skoraði fyrsta mark leiksins.

Markið skoraði Messi úr aukaspyrnu á 33. mínútu en það reyndist eina mark fyrri hálfleiksins.

Síle fékk vítaspyrnu á 57. mínútu. Arturo Vidal brenndi af vítaspyrnunni en Eduardo Vargas var fyrstur á boltann og skoraði.

Mörkin urðu ekki fleiri og lokatölur 1-1 en í A-riðlinum eru einnig Bólivía, Paragvæ og Úrúgvæ.

Fjögur af liðunum fimm fara í átta liða úrslitin.