Barnaþrælkun færist í aukana á nýjanleik Heimsljós 14. júní 2021 14:01 Gunnisal Samkvæmt Alþjóða vinnumálastofnuninni (ILO) og Barnahjálp Sameinuðu þjóðanna (UNICEF) eru alls 160 milljónir barna í nauðungarvinnu. Börnum sem neyðast til að vinna hefur fjölgað um 8,4 milljónir á síðustu fjórum árum og samkvæmt nýjum gögnum frá Alþjóða vinnumálastofnuninni (ILO) og Barnahjálp Sameinuðu þjóðanna (UNICEF) eru alls 160 milljónir barna í nauðungarvinnu. Í nýrri skýrslu fyrrnefndra stofnana segir að ástæða sé til að óttast að barnaþrælkun færist enn meira í aukana vegna heimsfaraldurs kórónuveiru. Alþjóðadagur í baráttunni gegn barnaþrælkun var síðastliðinn laugardag, 12. júní. Í skýrslu ILO og UNICEF kemur fram að í fyrsta sinn um tuttugu ára skeið hafi barnaþrælkun aukist en á tímabilinu frá 2000 til 2016 fækkaði börnum í nauðungarvinnu um 94 milljónir. Í skýrslunni er bent á umtalsverða fjölgun barna á aldrinum fimm til ellefu ára í nauðungarvinnu en börn á þessum aldrei eru nú um helmingur allra barna sem falla undir skilgreiningu um barnaþrælkun. Þá hefur börnum á aldrinum fimm til sautján ára sem vinna hættuleg störf – líkleg til að skaða heilsu þeirra, öryggi eða siðferði – fjölgað um 6,5 milljónir frá árinu 2016 og teljast nú vera alls 79 milljónir. Ástandið að þessu leyti er verst í Afríku sunnan Sahara en þar fara saman mikil fólksfjölgun, endurtekin áföll, mikil fátækt og ófullnægjandi barnavernd, sem leiða til þess að börnum í nauðungarvinnu hefur fjölgað um 16,6 milljónir á síðustu fjórum árum. Í skýrslunni segir að óttast sé að barnaþrælkun aukist vegna heimsfaraldursins. Níu milljónir barna til viðbótar eigi á hættu að vera þröngvað til starfa fyrir árslok 2022 og spálíkan geri ráð fyrir að sú tala geti hækkað upp í 46 milljónir. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Ofbeldi gegn börnum Faraldur kórónuveiru (COVID-19) Mest lesið Pakistan segir Indland mögulega gera árás á næstu klukkustundum Erlent Skiptar skoðanir á stöðvarskyldu: „Held að enginn vilji hverfa aftur í það ástand“ Innlent Njósnaaðgerðir sagðar tengjast deilum tveggja af auðugustu mönnum landsins Innlent „Miklu svakalegra en ég gerði mér grein fyrir“ Innlent Árásarmannsins enn leitað Erlent Boðar brottfararstöð fyrir hælisleitendur Innlent Furðar sig á umdeildri Exit-auglýsingu og hækkar veiðigjöldin Innlent Selfyssingar buðu lægst í brúasmíði á Vestfjörðum Innlent „Viltu ekki tala við mig eins og ég sé gamalmenni“ Innlent Óttaðist hið versta þegar allar tengingar rofnuðu Innlent
Börnum sem neyðast til að vinna hefur fjölgað um 8,4 milljónir á síðustu fjórum árum og samkvæmt nýjum gögnum frá Alþjóða vinnumálastofnuninni (ILO) og Barnahjálp Sameinuðu þjóðanna (UNICEF) eru alls 160 milljónir barna í nauðungarvinnu. Í nýrri skýrslu fyrrnefndra stofnana segir að ástæða sé til að óttast að barnaþrælkun færist enn meira í aukana vegna heimsfaraldurs kórónuveiru. Alþjóðadagur í baráttunni gegn barnaþrælkun var síðastliðinn laugardag, 12. júní. Í skýrslu ILO og UNICEF kemur fram að í fyrsta sinn um tuttugu ára skeið hafi barnaþrælkun aukist en á tímabilinu frá 2000 til 2016 fækkaði börnum í nauðungarvinnu um 94 milljónir. Í skýrslunni er bent á umtalsverða fjölgun barna á aldrinum fimm til ellefu ára í nauðungarvinnu en börn á þessum aldrei eru nú um helmingur allra barna sem falla undir skilgreiningu um barnaþrælkun. Þá hefur börnum á aldrinum fimm til sautján ára sem vinna hættuleg störf – líkleg til að skaða heilsu þeirra, öryggi eða siðferði – fjölgað um 6,5 milljónir frá árinu 2016 og teljast nú vera alls 79 milljónir. Ástandið að þessu leyti er verst í Afríku sunnan Sahara en þar fara saman mikil fólksfjölgun, endurtekin áföll, mikil fátækt og ófullnægjandi barnavernd, sem leiða til þess að börnum í nauðungarvinnu hefur fjölgað um 16,6 milljónir á síðustu fjórum árum. Í skýrslunni segir að óttast sé að barnaþrælkun aukist vegna heimsfaraldursins. Níu milljónir barna til viðbótar eigi á hættu að vera þröngvað til starfa fyrir árslok 2022 og spálíkan geri ráð fyrir að sú tala geti hækkað upp í 46 milljónir. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Ofbeldi gegn börnum Faraldur kórónuveiru (COVID-19) Mest lesið Pakistan segir Indland mögulega gera árás á næstu klukkustundum Erlent Skiptar skoðanir á stöðvarskyldu: „Held að enginn vilji hverfa aftur í það ástand“ Innlent Njósnaaðgerðir sagðar tengjast deilum tveggja af auðugustu mönnum landsins Innlent „Miklu svakalegra en ég gerði mér grein fyrir“ Innlent Árásarmannsins enn leitað Erlent Boðar brottfararstöð fyrir hælisleitendur Innlent Furðar sig á umdeildri Exit-auglýsingu og hækkar veiðigjöldin Innlent Selfyssingar buðu lægst í brúasmíði á Vestfjörðum Innlent „Viltu ekki tala við mig eins og ég sé gamalmenni“ Innlent Óttaðist hið versta þegar allar tengingar rofnuðu Innlent