Alaba reif í Arnauto­vic er þeir fögnuðu marki þess síðar­nefnda

Austurríki og Norður-Makedónía mættust í C-riðli Evrópumótsins í dag. Um var að ræða mikilvægan leik fyrir bæði lið þar sem Holland og Úkraína eru fyrir fram talin sterkari og því mikilvægt fyrir löndin að ná í stig í dag.

Norður-Makedónía virtist nokkuð sátt meðan staðan var 1-1 en seint í leiknum skoraði Austurríki tvívegis og tryggði nokkuð öruggan 3-1 sigur.

Varamaðurinn Arnautovic skoraði þriðja mark Austurríki og gulltryggði sigurinn. Arnautovic virkaði mjög æstur er hann fagnaði markinu og benti bæði á sjálfan sig sem og völlinn.

Mögulega var hann að senda þjálfara sínum skilaboð um að hann ætti alltaf að vera inn á vellinum. Fyrirliðinn Alaba kom í kjölfarið og reif duglega í Arnautovic. Sjón er sögu ríkari en þetta stórundarlega fagn þeirra félaga má sjá hér að neðan.

Austurríki er sem stendur á toppi C-riðils en leikur Hollands og Úkraínu er nýhafinn. Staðan í honum er enn markalaus.

EM 2020 verður sýnt á Stöð 2 Sport EM 2020 sem er hluti af Sportpakkanum, Stóra pakkanum og Risapakkanum. EM 2020 verður einnig hægt að kaupa stakt á kr. 6.990 en fyrir viðskiptavini með aðra áskrift en ofangreindar frá Stöð 2 kostar áskriftin kr. 3.990.