Fyrstu laxarnir sjást í Langá

Opnun Langár hefur ekki verið laxlaus og oftar en ekki er bara um prýðilega opnun á ánni með 10-15 laxa meðaltali. Fyrir fáum dögum sáust fyrstu laxarnir í veiðistaðnum Krókódíl sem er rétt 100 metra frá sjó og gefur það góða væntingu fyrir því að núna á fyrst stóra straum sumarsins mæti laxinn og vonandi þá í góðu magni. Langá er í frábæru júnívatni og það gerir opnunina ennþá meira spennandi en svona gott vatn hefur líklega ekki verið í henni síðan 2015. Undanfarin ár hefur hún verið undir sínu besta vatni í júní en blautir dagar og vikur undanfarið hafa breytt því til hins betra í Langá sem og öðrum ám á vesturlandi.