Íslenski boltinn

Vestri sótti endurkomusigur gegn Þrótti R.

Hjörtur Leó Guðjónsson skrifar
Vestri vann góðan sigur í Laugardalnum í dag.
Vestri vann góðan sigur í Laugardalnum í dag. Stöð 2 Sport

Þróttur Reykjavík tók á móti Vestra í annari umferð Lengjudeildar karla í dag. Vestri voru marki undir þegar fjórar mínútur voru eftir af venjulegum leiktíma en unnu á einhvern ótrúlegan hátt 3-1 sigur. 

Leikurinn var heilt yfir frekar rólegur í upphafi. Vestramenn héldu boltanum ágætlega, en Þróttarar setti góða pressu á þá og voru líklegri aðilinn.

Þegar tæplega 20 mínútur voru til leiksloka náðu heimamenn loksins að brjóta ísinn. Þar var á ferðinni Daði Bergsson eftir stoðsendingu frá Sam Ford.

Þegar tæpar fimm mínútur voru til leiksloka komust Vestramenn í góða sókn þar sem boltinn datt fyrir Pétur Bjarnason sem jafnaði metin.

Á seinustu mínútu venjulegs leiktíma skoraði Nicolaj Madsen beint úr aukaspyrnu og kom gestunum í 2-1, og í uppbótartíma gerði Luke Morgan út um leikinn.

Vestri er því með sex stig eftir fyrstu tvo leiki sína, en Þróttur R. er enn án stiga.

Lengjudeildin Þróttur Reykjavík Vestri

Mest lesið


Fleiri fréttir

Sjá meira


×

Mest lesið