Ósannindum kerfislega plantað í fjölmiðla Árni Harðarson skrifar 19. apríl 2021 15:31 Mikið óskaplega þykir mér miður að verða vitni að því að fjölmiðlar endursegi ítrekað ósannindi Halldórs Kristmannssonar um Alvogen og Róbert Wessman. En ósannindi um Róbert Wessman er það sem Halldór Kristmannsson lætur fjölmiðlum endurtekið í té þessa dagana og það er mér óskiljanlegt hvað honum gengur til. Skýrist þetta af andlegu ójafnvægi eða veikindum eða margra ára laumuhatri á manni sem hann vann mjög náið með eða er það bara í fjárhagslegum tilgangi eins og svo margt sem Halldór hefur í gegnum tíðina gert? Mér er hins vegar vel ljóst að sama hvað Halldór segir þá er hann ekki að þessu fyrir einhverja aðra ótilgreinda starfsmenn Alvogen. Þetta er bara hann. Maður sem endurtekið titlar sig sem framkvæmdastjóra án þess að hafa nokkurn tímann verið það og sökkti sér síðan fjárhagslega af því að hann varð að kaupa 1000 fermetra hús fyrir sig og sína af því að það væri stærsta einbýlishús á Íslandi. Maður sem í gegnum árin hefur endurtekið beðið Róbert að lána sér pening eða hjálpa sér með lánveitingar þar sem hann hafi komið sér í peningavandræði. Maður sem hefur endurtekið í gegnum árin þegið slíka aðstoð því Róbert er of greiðvikinn þegar leitað er til hans. Hvað sem því líður er herferðin sem Halldór er í vel skipulögð – það liggur fyrir – enda maðurinn sérfræðingur í fjölmiðlaumfjöllun og vel tengdur í þeim geira. Markmiðið virðist vera að sannfæra sem flesta um að Róbert Wessman sé einhvers konar ofbeldismaður sem meðal annars gangi um og berji starfsmenn. Dettur einhverjum í hug að þetta sé satt? Ég hef unnið með Róberti í yfir 20 ár bæði sem starfsmaður og utanaðkomandi ráðgjafi og veit því betur. Allur sá fjöldi starfsmanna og fyrrverandi starfsmanna sem rannsóknarteymi White & Case tók viðtöl við vegna ásakana Halldórs vita líka betur. Ef rannsókn White & Case hefði leitt í ljós að ásakanir Halldórs væru sannar er nokkuð ljóst að ráðandi hluthafar í félaginu hefðu rekið Róbert Wessmann án þess að hika. Enginn hefur fundið þau vitni sem Halldór vísar í og enginn veit hvaða vitni blaðamenn vísa í um ofbeldistilvik. Ef þau eru til væri ráð að athuga hver tengsl þeirra eru við Halldór því þau eru ekki samstarfsmenn hans eða Róberts. Þeir vita betur. Róbert hefur engan áhuga á að gera embættismönnum á Íslandi skráveifu. Það er bara bull og ég er sammála Sigríði Andersen að það væri mikið áhyggjuefni ef svo væri. Ef einhver embættismaður hefur ekki sinnt starfi sínu eða hefur brotið af sér í starfi deilir Róbert sjálfsagt þeirri skoðun með flestum að þá sé ástæða til að taka á slíku. Það hefur engin sátt verið gerð við neinn starfsmann vegna hegðunar eða stjórnunar Róberts, né heldur vegna hótana um uppljóstrun. Það er ósatt. Það hafa verið gerðir margir starfslokasamningar í Alvogen og Alvotech en enginn vegna háttsemi Róberts eða stjórnunar hans. Félagið hefur ekki lekið viðkvæmum heilsufarsupplýsingum um Halldór í fjölmiðla. Halldór gerði það sjálfur þegar hann setti þær í lögfræðibréf sín og lak þeim til valinna fjölmiðla. Þetta liggur allt fyrir og er staðfest af Halldóri sjálfum. Fyrir héraðsdómi er rekið mál vegna þessara ásakana Halldórs og félagið hefur birt Halldóri stefnu þar sem þessar heilsufarsupplýsingar sem hann sjálfur gerði að umtalsefni eru hluti af málinu. Það mál er rekið fyrir opnum tjöldum eins og venja er í réttarríkinu Íslandi. Yfir 800 fyrrverandi starfsmenn Actavis hafa gengið til liðs við Alvogen og Alvotech. Þetta fólk var ekki að kaupa köttinn í sekknum eða ana út í óvissu. Það hafði unnið með Róberti áður og vissi að það er gott að vinna með manninum og veit að hann leggur mikið upp úr því að starfsmenn hafi það gott og líði vel. Þetta er ekki væminn frasi heldur einfaldlega miklu líklegra til árangurs í rekstri fyrirtækja. Vissulega sendi Róbert ljót smáskilaboð fyrir 5 árum til tveggja manna úti í heimi sem koma Alvogen og Alvotech ekkert við. Löngu afgreitt mál á milli Róberts og þeirra sem fengu skilaboðin og engir eftirmálar af því. Halldór hefur lagt mikið upp úr þessu til að gera ósannindi sín trúverðug. Enda ekki hægt að neita þessu og efni þessara skilaboða augnakonfekt fyrir fjölmiðla þegar fjalla á um eins áberandi einstakling og Róbert Wessman. Þetta breytir því hins vegar ekki að ósannindi Halldórs um annað eru einmitt það - ósannindi. Róbert hefur ekki tjáð sig um þessi mál og gerir það sennilega ekki af tillitsemi við Halldór sem vissulega er víða með óhreint mjöl í pokahorninu. Róbert hefur ákveðið að láta málið hafa sinn gang fyrir dómstólum og þá munu allir sjá hvað raunverulega er í gangi. Félagið hefur látið duga að senda frá sér einfaldar yfirlýsingar og láta málið hafa sinn gang fyrir dómstólum. Á meðan lætur Halldór dæluna ganga og gerir allt sem hann getur til að skaða félögin og Róbert enda getur hann ekki beðið eftir dómsmálinu. Til þess er ekki leikurinn gerður heldur virðist markmiðið vera að skemma og skaða eins og hann mögulega getur og láta ekki sannleikann þvælast fyrir sér. Það var nokkuð ljóst að ef umrædd rannsókn White & Case yrði ekki Halldóri í vil að þá yrði næst ráðist á rannsóknina og White & Case, sem er lögmannsfyrirtæki stærsta hluthafa Alvogen. Þess vegna ákvað annar stór hluthafi í Alvogen að það væri rétt að þeirra lögmenn myndu hafa eftirlit með ferlinu til að tryggja að öllum réttum aðferðum væri beitt og ekki hallað á neinn. Hvorug stofan vinnur fyrir Róbert. Þetta er allt reynt fólk sem hafði það eitt að markmiði að komast að því hvort það sem Halldór hélt fram væri virkilega satt. Niðurstaðan var önnur og þess vegna var Halldóri stefnt – enda ekki annað hægt. En mikið óskaplega er ég orðinn þreyttur á að lesa ósannindi Halldórs í fjölmiðlum, hvort sem það er satt eða logið að hann sé með öryggisverði fyrir utan 1000 fermetra húsið sitt. Höfundur er lögfræðingur. Viltu birta grein á Vísi? Sendu okkur póst. Senda grein Deilur Halldórs Kristmannssonar og Róberts Wessman Mest lesið Íslendingar flytja út fisk og líka ofbeldismenn Guðný S. Bjarnadóttir Skoðun Hver ætlar að bera ábyrgð á mannslífi? Sævar Þór Jónsson Skoðun Flokkur fólksins eða flokkun fólksins? Halldóra Lillý Jóhannsdóttir Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun Betri nýting á tíma og fjármunum Reykjavíkurborgar 2/3 Magnea Gná Jóhannsdóttir Skoðun Horfumst í augu Kristín Thoroddsen Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun Saga Israa á Gaza og hvernig hægt er að verða að liði Katrín Harðardóttir,Israa Saed Skoðun Lægjum öldurnar Halla Hrund Logadóttir Skoðun Er aldur bara tala? Teitur Guðmundsson Skoðun Skoðun Skoðun Flokkur fólksins eða flokkun fólksins? Halldóra Lillý Jóhannsdóttir skrifar Skoðun Betri nýting á tíma og fjármunum Reykjavíkurborgar 2/3 Magnea Gná Jóhannsdóttir skrifar Skoðun Hver ætlar að bera ábyrgð á mannslífi? Sævar Þór Jónsson skrifar Skoðun Horfumst í augu Kristín Thoroddsen skrifar Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt skrifar Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir skrifar Skoðun Saga Israa á Gaza og hvernig hægt er að verða að liði Katrín Harðardóttir,Israa Saed skrifar Skoðun Fordómar frá sálfélagslegu sjónarhorni Sóley Dröfn Davíðsdóttir skrifar Skoðun Er aldur bara tala? Teitur Guðmundsson skrifar Skoðun Íslendingar flytja út fisk og líka ofbeldismenn Guðný S. Bjarnadóttir skrifar Skoðun Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir skrifar Skoðun Frans páfi kvaddur eða meðtekinn? Bjarni Karlsson skrifar Skoðun Lægjum öldurnar Halla Hrund Logadóttir skrifar Skoðun Að hata einhvern sem þú þarft á að halda? Katrín Pétursdóttir skrifar Skoðun Íslenskar pyndingar Guðmundur Ingi Þóroddsson skrifar Skoðun SFS, Exit og norska leiðin þeirra Jón Kaldal skrifar Skoðun Friður - í framsöguhætti eða viðtengingarhætti? Bryndís Schram skrifar Skoðun Næringarfræði er lykillinn að betri heilsu, viltu vera með? Guðrún Nanna Egilsdóttir skrifar Skoðun Löngu þarft samtal um hóp sem gleymist! Katarzyna Kubiś skrifar Skoðun Menntun fyrir öll – nema okkur Haukur Guðmundsson skrifar Skoðun Það er ekki hægt að loka augunum fyrir þessum veruleika Davíð Bergmann skrifar Skoðun Kirkjugarðsballið: Eiga Íslendingar að mæta þar? Birgir Dýrfjörð skrifar Skoðun Að sækja gullið (okkar) Þröstur Friðfinnsson skrifar Skoðun Til hamingju blaðamenn! Hjálmar Jónsson skrifar Skoðun Stormur í Þjóðleikhúsinu Bubbi Morthens skrifar Skoðun Börn í skugga stríðs Hólmfríður Jennýjar Árnadóttir skrifar Skoðun Opið bréf til mennta- og barnamálaráðherra Gunnar Örn Vopnfjörð Þorsteinsson skrifar Skoðun Hvernig gerum við Grundarhverfi enn betra? Ævar Harðarson skrifar Skoðun Matvælaframleiðslulandið Ísland – er framtíð án sérþekkingar? Ólöf Guðný Geirsdóttir,Ólafur Ögmundarson skrifar Skoðun 120km hraði á Keflavíkurveginum og netsölur með áfengi Jón Páll Haraldsson skrifar Sjá meira
Mikið óskaplega þykir mér miður að verða vitni að því að fjölmiðlar endursegi ítrekað ósannindi Halldórs Kristmannssonar um Alvogen og Róbert Wessman. En ósannindi um Róbert Wessman er það sem Halldór Kristmannsson lætur fjölmiðlum endurtekið í té þessa dagana og það er mér óskiljanlegt hvað honum gengur til. Skýrist þetta af andlegu ójafnvægi eða veikindum eða margra ára laumuhatri á manni sem hann vann mjög náið með eða er það bara í fjárhagslegum tilgangi eins og svo margt sem Halldór hefur í gegnum tíðina gert? Mér er hins vegar vel ljóst að sama hvað Halldór segir þá er hann ekki að þessu fyrir einhverja aðra ótilgreinda starfsmenn Alvogen. Þetta er bara hann. Maður sem endurtekið titlar sig sem framkvæmdastjóra án þess að hafa nokkurn tímann verið það og sökkti sér síðan fjárhagslega af því að hann varð að kaupa 1000 fermetra hús fyrir sig og sína af því að það væri stærsta einbýlishús á Íslandi. Maður sem í gegnum árin hefur endurtekið beðið Róbert að lána sér pening eða hjálpa sér með lánveitingar þar sem hann hafi komið sér í peningavandræði. Maður sem hefur endurtekið í gegnum árin þegið slíka aðstoð því Róbert er of greiðvikinn þegar leitað er til hans. Hvað sem því líður er herferðin sem Halldór er í vel skipulögð – það liggur fyrir – enda maðurinn sérfræðingur í fjölmiðlaumfjöllun og vel tengdur í þeim geira. Markmiðið virðist vera að sannfæra sem flesta um að Róbert Wessman sé einhvers konar ofbeldismaður sem meðal annars gangi um og berji starfsmenn. Dettur einhverjum í hug að þetta sé satt? Ég hef unnið með Róberti í yfir 20 ár bæði sem starfsmaður og utanaðkomandi ráðgjafi og veit því betur. Allur sá fjöldi starfsmanna og fyrrverandi starfsmanna sem rannsóknarteymi White & Case tók viðtöl við vegna ásakana Halldórs vita líka betur. Ef rannsókn White & Case hefði leitt í ljós að ásakanir Halldórs væru sannar er nokkuð ljóst að ráðandi hluthafar í félaginu hefðu rekið Róbert Wessmann án þess að hika. Enginn hefur fundið þau vitni sem Halldór vísar í og enginn veit hvaða vitni blaðamenn vísa í um ofbeldistilvik. Ef þau eru til væri ráð að athuga hver tengsl þeirra eru við Halldór því þau eru ekki samstarfsmenn hans eða Róberts. Þeir vita betur. Róbert hefur engan áhuga á að gera embættismönnum á Íslandi skráveifu. Það er bara bull og ég er sammála Sigríði Andersen að það væri mikið áhyggjuefni ef svo væri. Ef einhver embættismaður hefur ekki sinnt starfi sínu eða hefur brotið af sér í starfi deilir Róbert sjálfsagt þeirri skoðun með flestum að þá sé ástæða til að taka á slíku. Það hefur engin sátt verið gerð við neinn starfsmann vegna hegðunar eða stjórnunar Róberts, né heldur vegna hótana um uppljóstrun. Það er ósatt. Það hafa verið gerðir margir starfslokasamningar í Alvogen og Alvotech en enginn vegna háttsemi Róberts eða stjórnunar hans. Félagið hefur ekki lekið viðkvæmum heilsufarsupplýsingum um Halldór í fjölmiðla. Halldór gerði það sjálfur þegar hann setti þær í lögfræðibréf sín og lak þeim til valinna fjölmiðla. Þetta liggur allt fyrir og er staðfest af Halldóri sjálfum. Fyrir héraðsdómi er rekið mál vegna þessara ásakana Halldórs og félagið hefur birt Halldóri stefnu þar sem þessar heilsufarsupplýsingar sem hann sjálfur gerði að umtalsefni eru hluti af málinu. Það mál er rekið fyrir opnum tjöldum eins og venja er í réttarríkinu Íslandi. Yfir 800 fyrrverandi starfsmenn Actavis hafa gengið til liðs við Alvogen og Alvotech. Þetta fólk var ekki að kaupa köttinn í sekknum eða ana út í óvissu. Það hafði unnið með Róberti áður og vissi að það er gott að vinna með manninum og veit að hann leggur mikið upp úr því að starfsmenn hafi það gott og líði vel. Þetta er ekki væminn frasi heldur einfaldlega miklu líklegra til árangurs í rekstri fyrirtækja. Vissulega sendi Róbert ljót smáskilaboð fyrir 5 árum til tveggja manna úti í heimi sem koma Alvogen og Alvotech ekkert við. Löngu afgreitt mál á milli Róberts og þeirra sem fengu skilaboðin og engir eftirmálar af því. Halldór hefur lagt mikið upp úr þessu til að gera ósannindi sín trúverðug. Enda ekki hægt að neita þessu og efni þessara skilaboða augnakonfekt fyrir fjölmiðla þegar fjalla á um eins áberandi einstakling og Róbert Wessman. Þetta breytir því hins vegar ekki að ósannindi Halldórs um annað eru einmitt það - ósannindi. Róbert hefur ekki tjáð sig um þessi mál og gerir það sennilega ekki af tillitsemi við Halldór sem vissulega er víða með óhreint mjöl í pokahorninu. Róbert hefur ákveðið að láta málið hafa sinn gang fyrir dómstólum og þá munu allir sjá hvað raunverulega er í gangi. Félagið hefur látið duga að senda frá sér einfaldar yfirlýsingar og láta málið hafa sinn gang fyrir dómstólum. Á meðan lætur Halldór dæluna ganga og gerir allt sem hann getur til að skaða félögin og Róbert enda getur hann ekki beðið eftir dómsmálinu. Til þess er ekki leikurinn gerður heldur virðist markmiðið vera að skemma og skaða eins og hann mögulega getur og láta ekki sannleikann þvælast fyrir sér. Það var nokkuð ljóst að ef umrædd rannsókn White & Case yrði ekki Halldóri í vil að þá yrði næst ráðist á rannsóknina og White & Case, sem er lögmannsfyrirtæki stærsta hluthafa Alvogen. Þess vegna ákvað annar stór hluthafi í Alvogen að það væri rétt að þeirra lögmenn myndu hafa eftirlit með ferlinu til að tryggja að öllum réttum aðferðum væri beitt og ekki hallað á neinn. Hvorug stofan vinnur fyrir Róbert. Þetta er allt reynt fólk sem hafði það eitt að markmiði að komast að því hvort það sem Halldór hélt fram væri virkilega satt. Niðurstaðan var önnur og þess vegna var Halldóri stefnt – enda ekki annað hægt. En mikið óskaplega er ég orðinn þreyttur á að lesa ósannindi Halldórs í fjölmiðlum, hvort sem það er satt eða logið að hann sé með öryggisverði fyrir utan 1000 fermetra húsið sitt. Höfundur er lögfræðingur.
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun
Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt skrifar
Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir skrifar
Skoðun Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir skrifar
Skoðun Matvælaframleiðslulandið Ísland – er framtíð án sérþekkingar? Ólöf Guðný Geirsdóttir,Ólafur Ögmundarson skrifar
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun