Skaut mann ítrekað fyrir utan sjúkrahús í París

Konan sem særðist í árásinni er öryggisvörður á Henry Dunan sjúkrahúsinu í sextánda hverfi Parísar en samkvæmt frétt France24, segir lögregluþjónn að árásarmaðurinn hafi deilt við hana þegar hinn látni greip þar inn í.

Þá skaut árásarmaðurinn nokkrum skotum en fjölmiðlar ytra hafa eftir vitnum að hann hafi skotið nokkrum skotum í höfuð hins látna, þar sem hann lá í götunni eftir fyrstu skotin.

AFP fréttaveitan segir tilefni árásarinnar ekki liggja fyrir en lögreglan telur hana ekki tengjast hryðjuverkastarfsemi.

Francis Szpiner, borgarstjóri sextánda hverfis Parísar, segir að ekki sé um hryðjuverk að ræða. Svo virðist sem að um hefnd hafi verið að ræða.