Thomas Tuchel enn ósigraður og Chelsea komnir í undanúrslit

Chelsea er næst seinasta liðið sem kemst í undanúrslit FA bikarsins. Þeir bláklæddu fengu Sheffield United í heimsókn á Stamford Bridge og unnu 2-0 sigur. Fyrra mark leiksins kom á 24. mínútu, en það var Oliver Norwood sem varð fyrir því óláni að skora sjálfsmark. Hakim Ziyech gulltrygði sigurinn í uppbótartíma.

Thomas Tuchel hafði ekki enn tapað leik eftir að hann tók við sem stjóri Chelsea. Engin breyting varð á í dag og Chelsea því komnir í undanúrslit FA bikarsins. 

Ásamt Celsea eru Manchester City og Southampton komin í undanúrslit eftir leiki gærdagsins. Enn er eitt sæti laust, en Leicester og Manchester United mætast klukkan 17:00.