Etna spúði kviku í kílómetra hæð

Eldgosið byrjaði í suðausturgíg fjallsins skömmu fyrir miðnætti í gær.

Um klukkustund síðar höfðu fleiri gígar opnast og samkvæmt ANSA fréttaveitunni spúði eldfjallið kviku í 800 til þúsund metra hæð.

Þessi mikla virkni stóð þó ekki lengi yfir, eða í nokkrar klukkustundir.

Etna er 3.324 metra hátt eldfjall og eru nokkrar byggðir nálægt því.

Hér að neðan má sjá myndbönd frá eldgosinu í nótt og fleiri eldgosum í Etnu að undanförnu. Þar má einnig sjá myndir sem birtar voru á Facebooksíðu Jarðfræðistofnunar Ítalíu.