Yfirtakan: Daníel Rósinkrans spilar Medium

Rosinkrans, eins og hann er kallaður, er nýr í streymisheiminum en er vel kunnugur tölvuleikjum og er hann sagður hafa fæðst með fjarstýringu í hönd.

Allt frá Sega Mega yfir í Nintendo og Playstation hefur Daníel spilað alla flóruna af tölvuleikjum og lætur ekkert leikjaefni fram hjá sér fara.

„You Name It, I Game It!” er hans leikjamottó!

Daníel er þáttastjórnandi hjá Leikjavarpinu á vegum Nörd Norðursin, ásamt því að hafa komið við sögu hjá Game Tíví á síðustu árum, enda ku hann vera helsti aðdáandi GameTíví.

Hans uppáhalds leikjasería er The legend of Zelda og þykir honum Mario leikirnir einnig alveg ómissandi. Það er því kannski ekki að ástæðulausu að hann er titlaður sem Nintendo sérfræðingur Íslands.

Gamanið hefst klukkan átta á Twitchrás GameTíví.