„Við verjum að jafnaði einum þriðja dagsins á vinnustaðnum og því er rétt andrúmsloft þar lykilatriði þegar kemur að heilsu og vellíðan starfsfólks“ segir Valgerður Vigfúsardóttir, sölustjóri húsgagna hjá A4. „Vandað vinnurými með hágæða skrifstofuhúsgögnum vegur þungt í því að búa til réttar vinnuaðstæður, skapandi andrúmsloft þar sem hugmyndirnar flæða og vinnan verður leikur einn. Við höfum stillt upp nokkrum sviðsmyndum í sýningarsal húsgagna sem er í A4 í Skeifunni.“
Fjölbreytt verkefni kalla á breytilegt vinnuumhverfi
„Það má segja að aðlögun sé stærsta áskorun vinnustaða í nútíma viðskiptaumhverfi. Því getur verið mikilvægt að geta breytt umhverfinu í takt við verkefni sem verið er að vinna að í hvert sinn“ segir Valgerður.
„Felliborð, borð og stólar á hjólum, færanlegar töflur og skilrúm eru frábær húsgögn þegar þarf að búa til aðstöðu þar sem sköpunarkrafturinn á að blómstra.“
Góður aðbúnaður skilar sér í betri líðan starfsfólks
„Hvort sem það er góð hljóðvist og birta, rétt líkamsstaða eða pláss til að eiga stund í góðu næði þá er nauðsynlegt að velja lausnir sem skapa aðstæður fyrir þægindi og afslappað andrúmsloft. Slíkar aðstæður leiða svo aftur af sér minna stress, betri líðan hjá starfsfólki og þar af leiðandi bætt vinnuframlag“ bætir Valgerður við.
„Það má segja að áherslu á opin vinnurými fylgi svo þörfin á því að skipuleggja rýmið þannig að hægt sé að taka símtöl í friði, eiga stutt samtöl við vinnufélaga eða taka sér stundarhvíld án þess að vinnufriði sér stefnt í hættu,“ segir Valgerður og bendir á að starfsfólk húsgagnadeildar A4 búi yfir sérþekkingu og bjóði ráðgjöf þegar kemur að því að finna bestu lausnirnar.
Stólarnir frá Steelcase sem fylgja líkamsstöðunni
„Ný tækni býður einnig upp á sveigjanleika í vinnuumhverfinu. Hjá okkur fást skrifstofustólar frá einum stærsta húsgagnaframleiðanda heims, Steelcase. Þau reka stóra rannsóknarstofu og afrakstur þeirrar vinnu eru einstakir skrifborðsstólar sem taka tillit til þess að stundum ertu að vinna við skrifborð, stundum með spjaldtölvu, í símanum og á fjarfundum svo dæmi séu tekin. Armana á stólnum er hægt að hreyfa til og stilla á ótal vegu – það er í raun hægt að segja að þeir fljóti með líkamanum, eftir því hvaða stellingar er krafist m.v. hvaða tæki er verið að nota.“
Náttúrulegar lausnir inn í vinnurýmið
Á síðustu árum hafa fyrirtæki í auknu mæli verið að draga náttúruna nær starfsmanninum til dæmis með því að bæta við plöntum, mosa og korki. Mosalausnirnar sem við bjóðum bæta loftgæði rýma og hafa mikil áhrif á hljóðvist og auka ávinningur er hvað mosinn gerir allt hlýlegra og fallegra,“ segir Valgerður.
„Okkar samstarfsaðilar eru líka bæði gæða- og umhverfisvottaðir og leggja mikla áherslu á vistvæna framleiðslu úr endurunnu og endurvinnanlegu hráefni. T.d hefur EFG, okkar helsti framleiðandi í skrifstofuhúsgögnum minnkað allt króm og lím í sinni framleiðslu, og eru t.d. farin að stinga efni við svampinn eins og í þessum fundarstól svo ekki þurfi að líma áklæði og svamp saman."
Það sem er líka að gerast er að hefðbundin skrifstofuhúgögn eru að færast nær heimilishúsgögnum í útliti," segir Valgerður.
Persónuleg og góð þjónusta
„Við vinnum ávallt þétt með okkar viðskiptavinum, það er eina rétta leiðin til að finna hvað passar hverju sinni. Við mætum á svæðið, tökum myndir og getum teiknað upp ákveðnar tillögur til að gera auðveldara að sjá fyrir sér uppröðun og hvernig húsgögn passa í rýmið. Við höfum unnið fyrir fyrirtæki af öllum stærðum og gerðum, erum aðilar að Rammasamningi Ríkiskaupa um húsgögn og í góðu samstafi við Reykjavíkurborg og fleiri sveitarfélög. Eins eru ótal arkitektar sem koma til okkar til að finna lausnir þannig að það eru sko allir velkomnir til okkar A4,“ segir Valgerður að lokum.
