Einvala lið leikara í fyrstu sápuóperu Íslands sem gerist í rauntíma Stefán Árni Pálsson skrifar 22. apríl 2020 14:15 Jóhannes Haukur, Katla Margrét og Aron Már fara með aðalhlutverk ásamt mörgum gestaleikurum. Sápan eru nýir íslenskir grín sápuóperu þættir á Stöð 2 þar sem þjóðþekktir Íslendingar mæta í gestahlutverkum og leika á móti aðalpersónum þáttanna. Leikarar eru meðvitaðir um að þeir séu að leika í sápuþætti þar sem allt er leyfilegt. Í aðalhlutverkum eru Katla Margrét Þorgeirsdóttir, Jóhannes Haukur Jóhannesson, Aron Már Ólafsson og Arnar Jónsson. Katla og Jóhannes Haukur leika par sem aldrei giftu sig en hafa verið saman í 15 ár. Eftir mikla einangrun í kórónuveiru ástandinu hefur Katla gert upp hug sinn. Hún vill skilnað og þau búa í meðalstórri íbúð á höfuðborgarsvæðinu á góðum stað. Jóhannes leikur mann sem starfar sem endurskoðandi en hefði viljað vinna við eitthvað nær náttúrunni en hafði aldrei kjarkinn til að elta draumana. Katla leikur aftur á móti konu sem starfar sem hárgreiðslukona og hefur ekki getað sinnt vinnunni síðan Covid-19 ástandið skall á, en hefur komið fyrir stól inni í íbúð þar sem hún fær til sín kúnna í tíma og ótíma sem fer ekki vel í eiginmanninn. Aron Már leikur karakter sem er nýfluttur í blokkina. Myndarlegur, hress og skemmtilegur strákur sem elskar að ferðast og hefur augastað á Kötlu. Karakter Jóhannesar eignast skyndilega fullt af peningum eftir að hann vinnur í lottóinu. Katla fer strax í það að sannfæra hann um að núna sé kominn tími til að gifta sig, bara svo hún geti drepið hann með aðstoð Arons og þau flutt saman til Balí. Áhorfendur Stöðvar 2 geta síðan séð hvort ætlunarverkið takist. Skemmtileg áhætta Þórhallur Gunnarsson framkvæmdastóri Fjölmiðla Stöðvar 2 og Vodafone segir að þarna sé gamall draumur að rætast. „Að vera með leikna sjónvarpsseríu í rauntíma þar sem hægt er tengja samfélagsmál og það sem er í brennidepli hverju sinni við söguþráð þáttanna. Þetta er skemmtileg áhætta en á sama tíma áskorun. Hins vegar er ég sannfærður um að þetta verði frábært sjónvarpsefni enda leikararnir stórkostlegir, fantagóður leikstjóri og framleiðendur meðal þeirra reyndustu á landinu,“ segir Þórhallur. Baldvin Z, framleiðandi og einn af eigendum Glassriver sem framleiðir seríuna, segir að þau hafi langað að láta covid aðstæðurnar ýta þeim á einhvern stað sem myndi ögra þeim, ferlinu og sköpuninni. „Við vitum að þetta er mjög mikil áhætta að gera þetta, en útkoman varð þessi sturlaða pæling. Að sýna Covidvænt verkefni með nánast rauntíma söguþræði, sýna á hverjum föstudegi í heilan mánuð á Stöð 2 í formi Soapecom sem er einhverskonar blanda af Sit-Com og Sápu. Serían verður spéspegill á ástandinu og fólkið í landinu mun hafa áhrif á framvindu með því að getað sent inn hugmyndir af sögulínum,“ segir Baldvin en þátturinn verður tekinn upp samdægurs og hann er sendur út. „Þetta getur ekki klikkað,“ segir Baldvin og hlær en þættirnir fara af stað 8. maí. Áhorfendur Stöðvar 2 geta haft áhrif á söguþráðinn í hverri viku og senda inn hugmynd að framhaldi næsta þáttar. Höfundar þáttanna eru þeir Fannar Sveinsson, Baldvin Z og Benedikt Valsson og mun Fannar leikstýra. Menning Sápan Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið „Við munum ekki eldast saman“ Lífið Ísland með auga fuglsins Lífið Myndasyrpa úr Bakgarðshlaupinu Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Krakkatían: Dýrin, heimsálfur og teiknimyndir Lífið Aldrei litið betur út þrátt fyrir alvarlegt slys Lífið Fleiri fréttir Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira
Sápan eru nýir íslenskir grín sápuóperu þættir á Stöð 2 þar sem þjóðþekktir Íslendingar mæta í gestahlutverkum og leika á móti aðalpersónum þáttanna. Leikarar eru meðvitaðir um að þeir séu að leika í sápuþætti þar sem allt er leyfilegt. Í aðalhlutverkum eru Katla Margrét Þorgeirsdóttir, Jóhannes Haukur Jóhannesson, Aron Már Ólafsson og Arnar Jónsson. Katla og Jóhannes Haukur leika par sem aldrei giftu sig en hafa verið saman í 15 ár. Eftir mikla einangrun í kórónuveiru ástandinu hefur Katla gert upp hug sinn. Hún vill skilnað og þau búa í meðalstórri íbúð á höfuðborgarsvæðinu á góðum stað. Jóhannes leikur mann sem starfar sem endurskoðandi en hefði viljað vinna við eitthvað nær náttúrunni en hafði aldrei kjarkinn til að elta draumana. Katla leikur aftur á móti konu sem starfar sem hárgreiðslukona og hefur ekki getað sinnt vinnunni síðan Covid-19 ástandið skall á, en hefur komið fyrir stól inni í íbúð þar sem hún fær til sín kúnna í tíma og ótíma sem fer ekki vel í eiginmanninn. Aron Már leikur karakter sem er nýfluttur í blokkina. Myndarlegur, hress og skemmtilegur strákur sem elskar að ferðast og hefur augastað á Kötlu. Karakter Jóhannesar eignast skyndilega fullt af peningum eftir að hann vinnur í lottóinu. Katla fer strax í það að sannfæra hann um að núna sé kominn tími til að gifta sig, bara svo hún geti drepið hann með aðstoð Arons og þau flutt saman til Balí. Áhorfendur Stöðvar 2 geta síðan séð hvort ætlunarverkið takist. Skemmtileg áhætta Þórhallur Gunnarsson framkvæmdastóri Fjölmiðla Stöðvar 2 og Vodafone segir að þarna sé gamall draumur að rætast. „Að vera með leikna sjónvarpsseríu í rauntíma þar sem hægt er tengja samfélagsmál og það sem er í brennidepli hverju sinni við söguþráð þáttanna. Þetta er skemmtileg áhætta en á sama tíma áskorun. Hins vegar er ég sannfærður um að þetta verði frábært sjónvarpsefni enda leikararnir stórkostlegir, fantagóður leikstjóri og framleiðendur meðal þeirra reyndustu á landinu,“ segir Þórhallur. Baldvin Z, framleiðandi og einn af eigendum Glassriver sem framleiðir seríuna, segir að þau hafi langað að láta covid aðstæðurnar ýta þeim á einhvern stað sem myndi ögra þeim, ferlinu og sköpuninni. „Við vitum að þetta er mjög mikil áhætta að gera þetta, en útkoman varð þessi sturlaða pæling. Að sýna Covidvænt verkefni með nánast rauntíma söguþræði, sýna á hverjum föstudegi í heilan mánuð á Stöð 2 í formi Soapecom sem er einhverskonar blanda af Sit-Com og Sápu. Serían verður spéspegill á ástandinu og fólkið í landinu mun hafa áhrif á framvindu með því að getað sent inn hugmyndir af sögulínum,“ segir Baldvin en þátturinn verður tekinn upp samdægurs og hann er sendur út. „Þetta getur ekki klikkað,“ segir Baldvin og hlær en þættirnir fara af stað 8. maí. Áhorfendur Stöðvar 2 geta haft áhrif á söguþráðinn í hverri viku og senda inn hugmynd að framhaldi næsta þáttar. Höfundar þáttanna eru þeir Fannar Sveinsson, Baldvin Z og Benedikt Valsson og mun Fannar leikstýra.
Menning Sápan Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið „Við munum ekki eldast saman“ Lífið Ísland með auga fuglsins Lífið Myndasyrpa úr Bakgarðshlaupinu Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Krakkatían: Dýrin, heimsálfur og teiknimyndir Lífið Aldrei litið betur út þrátt fyrir alvarlegt slys Lífið Fleiri fréttir Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira