Innlent

Kvöldfréttir Stöðvar 2

Samúel Karl Ólason skrifar

Hættustig er enn í gildi á Seyðisfirði og óvissustig á Austfjörðum öllum. Áfram er hætta á vatnsflóðum og skriðuföllum en rýma þurfti fimmtíu hús á Seyðisfirði í gær vegna skriðu. Við verðum í beinni frá almannavörnum í kvöldfréttum Stöðvar 2 og förum yfir stöðuna fyrir austan.

Nokkur erill hefur verið í flugstöð Leifs Eiríkssonar síðdegis þar sem fólk er að sækja ástvini sem eru að koma heim í jólafrí. Fréttamaður okkar ræddi við fólk á flugvellinum og lögreglumann sem segir ekki hugað nægilega vel að sóttvörnum.

Í fréttatímanum ræðum við einnig við heilbrigðisráðherra en breytingar á afhendingu bóluefni Pfizer gætu orðið til þess að bjartsýnustu spár stjórnvalda um hjarðónæmi munu ekki rætast.

Að auki segjum við frá fjölskyldu með þrjú börn sem er flutt inn í nýtt íbúðarhús á jörð í Kjálkafirði, sem fór í eyði 1901.

Þetta og margt fleira í kvöldfréttum á samtengdum rásum Stöðvar 2, Bylgjunnar og á Vísi kl. 18:30.

Kvöldfréttir Stöðvar 2

Mest lesið


Fleiri fréttir

Sjá meira


×

Mest lesið