Samherjar Guðlaugs Victors sýndu honum stuðning og fögnuðu með treyju hans

Móðir Guðlaugs Victors lést á dögunum eftir áralanga baráttu við fíknisjúkdóm. Hún var jarðsungin í gær, sama dag og Darmstadt sótti Greuther Fürth heim í þýsku B-deildinni.

Tim Starke kom Darmstadt yfir í leiknum í gær. Hann fagnaði með því að halda á treyju Guðlaugs Victors eins og sjá má hér fyrir neðan. Darmstadt bætti svo þremur mörkum við og vann öruggan 0-4 sigur.

Guðlaugur Victor er lykilmaður hjá Darmstadt en hann hefur verið hjá félaginu síðan í janúar í fyrra. Íslenski landsliðsmaðurinn lék áður með Zürich í Sviss.

Lið Darmstadt er komið í sóttkví eftir að einn leikmaður þess greindist með kórónuveiruna. Leik Darmstadt og Würzburger Kickers á laugardaginn hefur frestað af þessum sökum.

Darmstadt er í 13. sæti þýsku B-deildarinnar með fimmtán stig eftir tólf leiki.