Dökkur bjór mikilvægur í hinni fullkomnu humarsúpu

Stefán Árni Pálsson skrifar 9. desember 2020 10:30

Andrés Bertelsen er algjör sérfræðingur í humarsúpugerð.

Í þáttunum Lífið er ljúffengt á Vísi og Stöð 2 Maraþon deila nokkrir af helstu ástríðukokkum landsins litlum sem stórum ráðleggingum varðandi matargerð fyrir jólin.

Allt frá klassískum uppstúf, sykurbrúnuðum kartöflum og gljáa á hrygginn yfir í nýjar hugmyndir, líkt og vegan lausnir, Ketó jól, 12 tíma graflax og fleira.

Áherslan er sett á stóru smáatriðin sem fullkomna matinn um hátíðirnar.

Í fjórða þættinum fer tilraunakokkurinn Andrés Bertelsen ítarlega yfir það hvernig maður reiðir fram humarsúpu sem er mjög vinsæll forréttur yfir hátíðirnar.

„Ég er algjör tilraunakokkur, súpur og sósur í sérstöku uppáhaldi. Sósur eiga að vera þannig að þú viljir drekka þær,“ segir Andrés.

„Hef haft áhuga á mat síðan ég þurfti að fara sem kokkur á sjó. Markmið að elda betur en mamma.“

Hér að neðan má sjá þáttinn.

Klippa: Dökkur bjór lykilatriði í hinni fullkomnu humarsúpu

Humarsúpa

Skeljar af humrinum

Ljóma smjörlíki

Blaðlaukur

Gulrætur

Hvítlauksrif

1 tsk madras

Karrí fiskiteningar

Nautateningar

Pizzasósa

Dökkur Bjór

2 dl rjómi

Hveiti

Smjörlíki

Búnt steinselja

Rauð paprika

Humar