HSÍ ætlar að byrja aftur 11. nóvember

Handknattleikssamband Íslands hefur frestað öllu mótahaldi sínu til 11. nóvember vegna takmarkana á æfingum og keppni vegna kórónuveirufaraldursins. Áður hafði mótahaldi verið frestað til 3. nóvember.

Stefnt er að því að hefja leik aftur 11.-15. nóvember. Nú er unnið að því raða leikjum í deild og bikar upp á nýtt.

Í frétt á heimasíðu HSÍ eru félögin í landinu hvött til þess að fylgja öllum reglum og tilmælum á æfingum.

Ekki hefur verið keppt á Íslandsmótinu í handbolta síðan sunnudaginn 4. október.