Sex tíma Pepsi Max fótboltaveisla á Sportinu í dag

Fótboltaáhugafólk getur séð íslenska fótbolta í sjónvarpinu frá þrjú til rúmlega níu í kvöld eða í rúma sex tíma. Pepsi Max tilþrifin verða á nýjum tíma.

Það eru óvenjulegir tímar í íslenskum fótbolta og vegna tafa á Íslandsmótinu í fótbolta vegna kórónuveirunnar hefur Knattspyrnusamband Íslands þurft að setja leiki á um miðjan dag í miðri viku til að geta klárað mótið fyrir 1. desember.

Heil umferð fer þess vegna fram í Pepsi Max deild karla í fótbolta í dag í miðri viku í lok september og það verður auðvitað fylgst vel með gangi mála á Sportstöðvunum.

Það eru bara flóðljós á tveimur af sex leikvöllum dagsins og þess vegna verður byrjað mjög snemma að spila fótbolta í dag.

Fyrsti leikurinn hefst á Greifavelli á Akureyri klukkan 16.00 og er á milli KA og HK en fyrsti sjónvarpsleikur dagsins verður stórleikur FH og Vals í Hafnarfirði sem hefst klukkan 16.15. Þarna eru að mætast tvö efstu lið deildarinnar og Valsmenn nánast tryggja sér Íslandsmeistaratitilinn með sigri.

Klukkan 16.15 hefjast einnig tveir aðrir leikir en það eru leikir Fjölnismanna og Skagamanna í Grafarvogi og nágrannaslagur KR og Gróttu á Meistaravöllum.

Þar sem fjórir leikirnir byrja svo snemma og báðir kvöldleikirnir verða sýndir beint þá verða Pepsi Max tilþrifin aðeins á öðrum tíma.

Kjartan Atli Kjartansson og sérfræðingur hans munu byrja Pepsi Max tilþrifin klukkan 15.45 til að hita upp fyrir fjögur leikina og þá sérstaklega toppslag FH og Vals.

Pepsi Max tilþrifin munu síðan gera upp fjóra fyrstu leiki dagsins strax eftir leik FH og Vals. Í framhaldinu af því verður síðan hægt að velja á milli þess að horfa á leik Breiðabliks og Stjörnunnar annars vegar og leik Fylkis og Víkinga hins vegar.

Þeir hefjast báðir klukkan 19.15. Breiðablik-Stjarnan verður á Stöð 2 Sport en Fylkir-Víkingur á Stöð 2 Sport 3.

Það verða því engin Pepsi Max tilþrifin eftir kvöldleikina en Pepsi Max Stúkan verður aftur á móti á vanalegum tíma annað kvöld.