Smalakonur í hríðarbyl segja skítkalt en ógeðslega gaman Kristján Már Unnarsson skrifar 22. september 2020 21:56 Dagný Rós Stefánsdóttir, Þjóðólfshaga, og Sif Ólafsdóttir, Einhamri, við Helliskvísl hjá Landmannahelli. Stöð 2/Einar Árnason. Tugir karla og kvenna eru þessa dagana lengst inni á hálendi við fjárleitir í hríðarbyljum á Landmannaafrétti. Jöfn kynjahlutföll eru í hópi smalamanna þetta haustið en þetta er fertugasta árið sem Kristinn Guðnason í Skarði er fjallkóngur. Þetta kom fram í fréttum Stöðvar 2. Það var á föstudag sem 55 manna hópur smalamanna lagði í fyrstu leitir inn á Landmannaafrétt en hann liggur að Fjallabaki austur af Heklu. Fyrsti smaladagurinn var á laugardag en þá var farið í Jökulgil inn af Landmannalaugum. Fjárleitunum lýkur svo með réttum á fimmtudag í Áfangagili norðan Heklu. Smalamenn reka fjárhóp eftir Landmannaleið vestan við Dómadalsháls. Þarna liggur vegurinn í um sexhundruð metra hæð yfir sjávarmáli.Stöð 2/Einar Árnason. Við skálaþyrpinguna við Landmannahelli, þar sem leitarmenn halda til, mæta okkur alhvít jörð og stillur inn á milli. Eftir hvassviðri og rigningardembur um helgina gekk á með hríðarbyljum í gær, - og svo miklum að fjallkóngurinn taldi farsælast að bregða sér af baki og stýra leitunum með talstöð úr jeppanum. Kristinn hafði vonast eftir góðum degi en élin reyndust „helvíti mikið dimm“. „En auðvitað er snjórinn alltaf góður smali. Það rennur dálítið vel undan okkur núna,“ sagði fjallkóngurinn. Kristinn Guðnason fjallkóngur er jafnan kenndur við Skarð þótt hann búi núna í Árbæjarhjáleigu. Hann fór í sínar fyrstu leitir á Landmannaafrétt árið 1964.Stöð 2/Einar Árnason. Já, við svona aðstæður gengur sauðféð bara sjálft til byggða. Leitarsvæðið er víðast hvar í yfir í sexhundruð metra hæð. Við sáum göngumenn smala fjallið Löðmund, sem er yfir þúsund metra hátt, meðan hríðarbyljir gengu yfir. „Þetta er búið að vera mjög erfitt. Það var mjög hált og erfitt í morgun og er enn,“ sagði Kristinn. „Það er búið að vera vitlaust veður,“ sagði Bragi Guðmundsson, hestamaður í Flagbjarnarholti. Bragi Guðmundsson er úr Garðinum en stundar hestamennsku í Flagbjarnarholti.Stöð 2/Einar Árnason. „Við byrjuðum uppi í Laugum í morgun og eru búnir að fara hér niðureftir öllu. Og erum að koma með fé hérna úr Löðmundi. Ég veit ekki hvernig þetta endar. Það er svo leiðinlegt veður, svo lélegt skyggni,“ sagði Bragi. Það vekur athygli okkar að álíka margar konur og karlar eru þetta haustið í leitunum. Þær Sif Ólafsdóttur og Dagnýju Rós Stefánsdóttur sáum við eltast við rollur utan í snarbröttum Dómadalshálsinum. „Maður hafði eiginlega meiri áhyggjur af því að hesturinn rynni bara niður. Þetta var svo sleipt þarna uppi,“ sagði Sif. „Svo safnast snjórinn svo undir hófana á þeim,“ sagði Dagný Rós. „Þeir eru alveg á stultum, greyin,“ sagði Sif. Þær Sif og Dagný Rós ríða Helliskvísl við Landmannahelli.Stöð 2/Einar Árnason. Þetta er fertugasta haustið sem Kristinn er fjallkóngur en mönnum er til efs að margir hafi stýrt leitum svo lengi. „Það voru einhverjar sögur um það að langafi minn hefði verið 50 ár. Ég byrjaði ungur, rúmlega þrítugur,“ sagði Kristinn, en hann hafði þá verið í göngum frá fjórtán ára aldri. En afhverju er fólk að leggja á sig allt þetta erfiði? „Þetta er æðislegt. Þetta er bara svo gaman. Útrás og allt saman,“ svarar Sif, sem segist vera í húsmæðraorlofi. „Þó að veðrið sé ógeðslegt og að manni sé skítkalt er þetta ógeðslega gaman. Gott að komast samt í hús í hlýjuna,“ svarar Dagný. Hér má sjá frétt Stöðvar 2: Hér má sjá þátt um fjárleitir Gnúpverja fyrir sjö árum: Landbúnaður Rangárþing ytra Ásahreppur Hestar Réttir Mest lesið Stytta þurfi sumarfrí barna um að lágmarki tvær vikur Innlent Leysti út lögmannsréttindin: Fer í sjálfstæðan rekstur en heldur eftirlaununum Innlent Sá blóðugan mann hlaupa út og árásarmanninn á eftir honum Innlent Hafði ritað „Breivik“ og „Drepið Trump“ á skotvopnin Erlent Játning á borðinu í umfangsmestu þjófnuðum seinni tíma Innlent Vinstribeygja inn á Bústaðaveg gæti heyrt sögunni til Innlent Rýnt í stöðuna í Úkraínu: Friður enn fjarlægur og Trump missir móðinn Erlent Þvættuðu milljarða af illa fenginni rafmynt á Íslandi Innlent Lögreglan vill ná tali af þremur mönnum Innlent Mögulega þúsundir glæpamanna nýtt þjónustuna: „Ísland er misnotað í svona málum“ Innlent Fleiri fréttir Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Játning á borðinu í umfangsmestu þjófnuðum seinni tíma Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Sjá meira
Tugir karla og kvenna eru þessa dagana lengst inni á hálendi við fjárleitir í hríðarbyljum á Landmannaafrétti. Jöfn kynjahlutföll eru í hópi smalamanna þetta haustið en þetta er fertugasta árið sem Kristinn Guðnason í Skarði er fjallkóngur. Þetta kom fram í fréttum Stöðvar 2. Það var á föstudag sem 55 manna hópur smalamanna lagði í fyrstu leitir inn á Landmannaafrétt en hann liggur að Fjallabaki austur af Heklu. Fyrsti smaladagurinn var á laugardag en þá var farið í Jökulgil inn af Landmannalaugum. Fjárleitunum lýkur svo með réttum á fimmtudag í Áfangagili norðan Heklu. Smalamenn reka fjárhóp eftir Landmannaleið vestan við Dómadalsháls. Þarna liggur vegurinn í um sexhundruð metra hæð yfir sjávarmáli.Stöð 2/Einar Árnason. Við skálaþyrpinguna við Landmannahelli, þar sem leitarmenn halda til, mæta okkur alhvít jörð og stillur inn á milli. Eftir hvassviðri og rigningardembur um helgina gekk á með hríðarbyljum í gær, - og svo miklum að fjallkóngurinn taldi farsælast að bregða sér af baki og stýra leitunum með talstöð úr jeppanum. Kristinn hafði vonast eftir góðum degi en élin reyndust „helvíti mikið dimm“. „En auðvitað er snjórinn alltaf góður smali. Það rennur dálítið vel undan okkur núna,“ sagði fjallkóngurinn. Kristinn Guðnason fjallkóngur er jafnan kenndur við Skarð þótt hann búi núna í Árbæjarhjáleigu. Hann fór í sínar fyrstu leitir á Landmannaafrétt árið 1964.Stöð 2/Einar Árnason. Já, við svona aðstæður gengur sauðféð bara sjálft til byggða. Leitarsvæðið er víðast hvar í yfir í sexhundruð metra hæð. Við sáum göngumenn smala fjallið Löðmund, sem er yfir þúsund metra hátt, meðan hríðarbyljir gengu yfir. „Þetta er búið að vera mjög erfitt. Það var mjög hált og erfitt í morgun og er enn,“ sagði Kristinn. „Það er búið að vera vitlaust veður,“ sagði Bragi Guðmundsson, hestamaður í Flagbjarnarholti. Bragi Guðmundsson er úr Garðinum en stundar hestamennsku í Flagbjarnarholti.Stöð 2/Einar Árnason. „Við byrjuðum uppi í Laugum í morgun og eru búnir að fara hér niðureftir öllu. Og erum að koma með fé hérna úr Löðmundi. Ég veit ekki hvernig þetta endar. Það er svo leiðinlegt veður, svo lélegt skyggni,“ sagði Bragi. Það vekur athygli okkar að álíka margar konur og karlar eru þetta haustið í leitunum. Þær Sif Ólafsdóttur og Dagnýju Rós Stefánsdóttur sáum við eltast við rollur utan í snarbröttum Dómadalshálsinum. „Maður hafði eiginlega meiri áhyggjur af því að hesturinn rynni bara niður. Þetta var svo sleipt þarna uppi,“ sagði Sif. „Svo safnast snjórinn svo undir hófana á þeim,“ sagði Dagný Rós. „Þeir eru alveg á stultum, greyin,“ sagði Sif. Þær Sif og Dagný Rós ríða Helliskvísl við Landmannahelli.Stöð 2/Einar Árnason. Þetta er fertugasta haustið sem Kristinn er fjallkóngur en mönnum er til efs að margir hafi stýrt leitum svo lengi. „Það voru einhverjar sögur um það að langafi minn hefði verið 50 ár. Ég byrjaði ungur, rúmlega þrítugur,“ sagði Kristinn, en hann hafði þá verið í göngum frá fjórtán ára aldri. En afhverju er fólk að leggja á sig allt þetta erfiði? „Þetta er æðislegt. Þetta er bara svo gaman. Útrás og allt saman,“ svarar Sif, sem segist vera í húsmæðraorlofi. „Þó að veðrið sé ógeðslegt og að manni sé skítkalt er þetta ógeðslega gaman. Gott að komast samt í hús í hlýjuna,“ svarar Dagný. Hér má sjá frétt Stöðvar 2: Hér má sjá þátt um fjárleitir Gnúpverja fyrir sjö árum:
Landbúnaður Rangárþing ytra Ásahreppur Hestar Réttir Mest lesið Stytta þurfi sumarfrí barna um að lágmarki tvær vikur Innlent Leysti út lögmannsréttindin: Fer í sjálfstæðan rekstur en heldur eftirlaununum Innlent Sá blóðugan mann hlaupa út og árásarmanninn á eftir honum Innlent Hafði ritað „Breivik“ og „Drepið Trump“ á skotvopnin Erlent Játning á borðinu í umfangsmestu þjófnuðum seinni tíma Innlent Vinstribeygja inn á Bústaðaveg gæti heyrt sögunni til Innlent Rýnt í stöðuna í Úkraínu: Friður enn fjarlægur og Trump missir móðinn Erlent Þvættuðu milljarða af illa fenginni rafmynt á Íslandi Innlent Lögreglan vill ná tali af þremur mönnum Innlent Mögulega þúsundir glæpamanna nýtt þjónustuna: „Ísland er misnotað í svona málum“ Innlent Fleiri fréttir Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Játning á borðinu í umfangsmestu þjófnuðum seinni tíma Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Sjá meira