Manchester United er komið áfram í fjórðu umferð enska deildarbikarsins eftir 3-0 sigur á B-deildarliði Luton í kvöld.
Fyrsta markið kom á 44. mínútu er United fékk vítaspyrnu. Á punktinn fór hinn öruggi Juan Mata og kom United yfir fyrir hlé.
United gerði tíu breytingar frá því í leiknum gegn Crystal Palace og það var einungis Harry Maguire sem hélt sæti sínu í liðinu.
Skytturnar komu hins vegar inn af bekknum og Marcus Rashford tvöfaldaði forystuna á 88. mínútu.
Í uppbótartímanum var það Mason Greenwood sem innsiglaði sigurinn en Íslandsvinurinn kom inn af bekknum og kláraði færið sitt vel. Lokatölur 3-0.
Another substitute on the scoresheet!
— BBC Sport (@BBCSport) September 22, 2020
Mason Greenwood with a late goal as Man Utd complete a 3-0 win.#CarabaoCup reaction: https://t.co/HyQjJDQ9jD#bbcfootball pic.twitter.com/vLDziPfYmt
Í öðrum leikjum kvöldsins vann Newport County 3-1 sigur á Watford, Brentford sló út WBA eftir vítaspyrnukeppni og West Ham skellti Hull City 5-1 þrátt fyrir að stjórinn og tveir leikmenn hafi verið í sóttkví.