Lineker búinn að finna spaugi­legu hliðina á stóra Messi málinu

Lionel Messi, stórstjarna Barcelona, var á leið burt frá Barcelona í síðasta mánuði en nú er hann á auglýsingu fyrir þriðja búning félagsins fyrir komandi leiktíð.

Það stefndi allt í að Messi væri á leið burt frá Barcelona til Manchester City en 630 milljóna punda klásúla kom í veg fyrir að Argentínumaðurinn gæti yfirgefið félagið.

Barcelona menn voru fljótir að nýta sér það að Messi yrði áfram og var hann fremstur á auglýsingum liðsins fyrir þriðja búning félagsins. Hann er bleikur.

„Núna vitum við afhverju Messi vildi fara,“ skrifaði Lineker og skaut þar af leiðandi á búninginn en Lineker spilaði með Barcelona í þrjú ár, á árunum 1986 til 1989.

Barcelona hefur leik í spænsku úrvalsdeildinni þann 27. september er liðið mætir Villareal á heimavelli.