Hjarta fyrsta bæjarstjórans fannst í kistu í gosbrunni

Þegar verið var að gera upp gamlan gosbrunn í bænum Verviers í Belgíu, fannst kista úr sinki. Í henni fannst svo krukka sem innihélt hjarta fyrsta bæjarstjóra Verviers. Kistan, sem fannst þann 20. ágúst, er nú á safni bæjarins. Sögusagnir um tilvist kistunnar hafa verið á kreiki allt frá 19. öldinni.

Bæjarstjórinn Pierre David dó árið 1839, þá 68 ára gamall, en smíði gosbrunnsins lauk ekki fyrr en 1883. Á kistunni sjálfri stendur að henni hafi verið komið fyrir það ár. David hafði verið bæjarstjóri frá 1798 allt þar til hann dó, samkvæmt frétt Brussels Times.

Styttan fannst í holrými ofarlega í gosbrunninum, sem er nefndur í höfuðið á bæjarstjóranum upprunalega. Nánar tiltekið var kistan í steini sem var fyrir aftan styttu af David.

Hér má sjá færslu Christine Magis, sem situr í bæjarráði Verviers.