Leyfðu áhorfendur en ekki hólf: Sáum að fólk steig bara undir og yfir borða Sindri Sverrisson skrifar 31. ágúst 2020 12:59 Engir áhorfendur máttu mæta á íþróttaleiki í tvær vikur eftir að keppni í íþróttum hófst að nýju 14. ágúst. Þessir áhorfendur komu sér fyrir utan girðingar á leik Gróttu og Breiðabliks. Nú mega 100 manns vera í sömu stúku. VÍSIR/HAG Í kjölfar þess að ný auglýsing heilbrigðisráðherra um takmörkun á samkomum vegna kórónuveirufaraldursins tók gildi á föstudag, gátu áhorfendur snúið aftur á íþróttaleiki um helgina. Sóttvarnalæknir lagði reyndar til í minnisblaði til ráðherra þann 21. ágúst að áhorfendur yrðu bannaðir fram til 10. september. Eftir birtingu auglýsingarinnar, fyrirspurnir frá ÍSÍ og íþróttafélögum, og erindi KSÍ til heilbrigðisráðuneytis, var niðurstaðan þó sú að leyfa áhorfendur með ströngum skilyrðum. Því mega frá og með nýliðinni helgi 100 fullorðnir vera í hverri stúku á íþróttaleikjum, eða að hámarki 200 fullorðnir áhorfendur á leikjum þar sem tvær aðskildar stúkur eru til staðar. „Okkur höfðu borist erindi varðandi þetta mál og þessi rök reifuð um að 100 manna samkomur væru leyfðar annars staðar,“ segir Guðrún Aspelund, yfirlæknir á sóttvarnasviði. „Við töldum rétt að byrja án áhorfenda þegar íþróttirnar fóru aftur af stað [14. ágúst, eftir tveggja vikna bann], og sjá hvernig hlutirnir myndu ganga. Þetta var svo endurskoðað núna þegar nýjasta auglýsingin kom út, með ákveðna sanngirni í huga í sambandi við aðrar samkomur. Það var svo ákveðið að leyfa 100 áhorfendur, en ekki þó þessa hólfaskiptingu sem var áður, og ákveðið að leyfa það strax,“ segir Guðrún. Vildu sjá hvernig til tækist við að koma íþróttum aftur af stað Talsverður fjöldi fólks kemur saman á hverjum íþróttaleik þó að áhorfendur séu ekki á svæðinu. Þess vegna var ekki talið rétt að leyfa áhorfendur strax 14. ágúst. „Það var okkar sjónarmið í upphafi. Að leyfa íþróttir án áhorfenda og sjá hvernig það gengi. Sjá hvernig gengi að koma öllum þessum sóttvarnareglum sérsambandanna í gang, og hvernig félögunum tækist að fylgja þeim. Við áttum góða samvinnu við ÍSÍ um reglurnar. Við höfum miðað við auglýsingarnar og þess vegna var þessi dagsetning fyrir breytinguna. Við hefðum svo sem getað verið ströng með þetta en það voru komnar beiðnir um að leyfa áhorfendur með ákveðnum takmörkunum,“ segir Guðrún. Hvert sérsamband hefur þurft að setja sér strangar sóttvarnareglur til að geta byrjað að keppa að nýju.VÍSIR/VILHELM Sáum að fólk steig bara undir og yfir borða Þegar áhorfendur voru leyfðir á leikjum fyrr í sumar máttu íþróttafélög skipta sínum áhorfendasvæðum upp og leyfa hámarksfjölda í hverju „hólfi“. Ekki tókst nægilega vel upp við það að mati sóttvarnasviðs: „Það sem stóð helst í okkur var að með þessari hólfaskiptingu þá myndaðist svolítið mikill fjöldi, þrátt fyrir að það væri hámark á hve margir mættu koma saman. Það varð úr að ekki væri ástæða lengur til að leyfa ekki áhorfendur, ef að aðeins kæmi saman sami fjöldi og er almennt leyfður á samkomum. Við unnum þetta fljótt með ÍSÍ daginn sem auglýsingin kom út,“ segir Guðrún, en það virtist koma ýmsum í knattspyrnuhreyfingunni í opna skjöldu að hólfaskiptingin hefði ekki tekist sem skyldi: „Það voru ákveðnar efasemdir um það að þetta væri að virka almennilega. Það voru myndir af því og um þetta var fjallað í fjölmiðlum, og við sáum að það voru notaðir borðar til að skilja hólf að en fólk steig bara undir og yfir þá. Það þyrftu þá að vera betri skilrúm til að fólk gæti virt þetta. Í stað þess að 100 manns kæmu saman væri þetta því fljótt að vera 300-400 manna samkoma, og í því fólust áhyggjur okkar. Að ef eitthvað kæmi upp á væri töluverður fjöldi í hættu. Ég man ekki betur en að það hafi verið umræða um þetta á sínum tíma, og það var ástæða fyrir því að Þórólfur sóttvarnalæknir og Víðir Reynisson skrifuðu sérstakt minnisblað sem var birt, um hólfaskiptingar. Það var gert til að árétta hvað þessi hólfaskipting þýddi, og þetta var einnig til umræðu á upplýsingafundum. Þetta kom því alveg fram, þó að það hafi ekki verið sent eitthvað sérstakt bréf um það,“ segir Guðrún. Pepsi Max-deild karla Pepsi Max-deild kvenna Olís-deild karla Olís-deild kvenna Dominos-deild kvenna Dominos-deild karla Faraldur kórónuveiru (COVID-19) Íþróttir Tengdar fréttir Áhorfendur aftur heimilaðir á íþróttaviðburðum Sóttvarnaryfirvöld hafa veitt heimild fyrir áhorfendum á íþróttaviðburðum með ákveðnum skilyrðum. Skilyrðin eru að 2 metra reglan gildi milli einstaklinga sem ekki eru í nánum tengslum og að ekki séu nema 100 manns að hámarki í stúku/stæð. 29. ágúst 2020 11:26 KSÍ fékk engar ábendingar um brotalamir varðandi áhorfendur Guðni Bergsson, formaður Knattspyrnusambands Íslands, vonast til þess að heilbrigðisyfirvöld leyfi sem fyrst áhorfendum að snúa aftur á fótboltaleiki og kallar eftir samræmi í samkomutakmörkunum. 28. ágúst 2020 11:15 Segir hólfaskiptingu á íþróttaleikjum ekki hafa dugað nógu vel Þrátt fyrir að hundrað manns megi koma saman á sportbar til að horfa á fótboltaleik má sami fjöldi fólks ekki mæta til að horfa á fótboltaleik með berum augum á Íslandi í dag. 27. ágúst 2020 16:00 Verða af miklum tekjum vegna áhorfendabanns: „Höfum miklar áhyggjur af rekstrinum ef þetta er komið til að vera“ Áhorfendabannið kemur illa við félögin á Íslandi. Margir af stærstu leikjum fótboltasumarsins eru framundan. 14. ágúst 2020 19:00 Mest lesið Reyndi að stela nærfatnaði leikmanna Fótbolti „Munum gefa allt sem við eigum til að enda meðal efstu fimm“ Enski boltinn Fram einum sigri frá úrslitum Handbolti „Ekki til nokkur einasta króna á Sauðárkróki í kvennafótbolta” Íslenski boltinn Enni ungs sonar Man. Utd leikmanns í tvennt Enski boltinn Selfoss jafnaði metin Handbolti KR sópaði Hamar/Þór og leikur í Bónus deildinni á næstu leiktíð Körfubolti Biður stuðningsfólk afsökunar á skítnum Enski boltinn „Kemur einn leikmaður sem við getum staðfest í kringum næsta leik” Íslenski boltinn „Bara einn leikur og áfram með smjörið“ Körfubolti Fleiri fréttir Enni ungs sonar Man. Utd leikmanns í tvennt Enduðu fimmtán leikja taphrinu í úrslitakeppni NBA Biður stuðningsfólk afsökunar á skítnum Reyndi að stela nærfatnaði leikmanna Dagskráin í dag: Besta deild kvenna og Ronaldo „Munum gefa allt sem við eigum til að enda meðal efstu fimm“ Þjálfari Nóels Atla rekinn eftir tapið gegn Íslendingaliði Sönderjyske „Bara einn leikur og áfram með smjörið“ KR sópaði Hamar/Þór og leikur í Bónus deildinni á næstu leiktíð Selfoss jafnaði metin Fram einum sigri frá úrslitum „Ekki til nokkur einasta króna á Sauðárkróki í kvennafótbolta” „Stemmningin í húsinu hjálpar“ „Kemur einn leikmaður sem við getum staðfest í kringum næsta leik” „Við stóðum af okkur storminn“ Uppgjörið: Stjarnan - Grindavík 108-100 | Stjarnan skrefinu á undan Burnley og Leeds United aftur upp í ensku úrvalsdeildina Forest upp í þriðja sætið eftir sigur á Tottenham FCK tímabundið á toppinn Höfðu betur eftir framlengdan leik Uppgjörið: Tindastóll - Álftanes 100-78 | Ótrúlegur sigur Stólanna Alfons með sitt fyrsta mark fyrir Birmingham Aldís Ásta og stöllur einum sigri frá úrslitunum Uppgjörið: Þór/KA - Tindastóll 2-1 | Endurkoma í Boganum Uppgjörið: FHL - Valur 0-2 | Valskonur sóttu þrjú stig austur Guðrún og Katla með stoðsendingar í Íslendingaslag Valur og KR unnu Scania Cup Lewandowski frá næstu vikurnar og missir af stórleikjum Enn eitt jafnteflið hjá Lyngby Fimmtán ára bjargaði stigi fyrir Brøndby Sjá meira
Í kjölfar þess að ný auglýsing heilbrigðisráðherra um takmörkun á samkomum vegna kórónuveirufaraldursins tók gildi á föstudag, gátu áhorfendur snúið aftur á íþróttaleiki um helgina. Sóttvarnalæknir lagði reyndar til í minnisblaði til ráðherra þann 21. ágúst að áhorfendur yrðu bannaðir fram til 10. september. Eftir birtingu auglýsingarinnar, fyrirspurnir frá ÍSÍ og íþróttafélögum, og erindi KSÍ til heilbrigðisráðuneytis, var niðurstaðan þó sú að leyfa áhorfendur með ströngum skilyrðum. Því mega frá og með nýliðinni helgi 100 fullorðnir vera í hverri stúku á íþróttaleikjum, eða að hámarki 200 fullorðnir áhorfendur á leikjum þar sem tvær aðskildar stúkur eru til staðar. „Okkur höfðu borist erindi varðandi þetta mál og þessi rök reifuð um að 100 manna samkomur væru leyfðar annars staðar,“ segir Guðrún Aspelund, yfirlæknir á sóttvarnasviði. „Við töldum rétt að byrja án áhorfenda þegar íþróttirnar fóru aftur af stað [14. ágúst, eftir tveggja vikna bann], og sjá hvernig hlutirnir myndu ganga. Þetta var svo endurskoðað núna þegar nýjasta auglýsingin kom út, með ákveðna sanngirni í huga í sambandi við aðrar samkomur. Það var svo ákveðið að leyfa 100 áhorfendur, en ekki þó þessa hólfaskiptingu sem var áður, og ákveðið að leyfa það strax,“ segir Guðrún. Vildu sjá hvernig til tækist við að koma íþróttum aftur af stað Talsverður fjöldi fólks kemur saman á hverjum íþróttaleik þó að áhorfendur séu ekki á svæðinu. Þess vegna var ekki talið rétt að leyfa áhorfendur strax 14. ágúst. „Það var okkar sjónarmið í upphafi. Að leyfa íþróttir án áhorfenda og sjá hvernig það gengi. Sjá hvernig gengi að koma öllum þessum sóttvarnareglum sérsambandanna í gang, og hvernig félögunum tækist að fylgja þeim. Við áttum góða samvinnu við ÍSÍ um reglurnar. Við höfum miðað við auglýsingarnar og þess vegna var þessi dagsetning fyrir breytinguna. Við hefðum svo sem getað verið ströng með þetta en það voru komnar beiðnir um að leyfa áhorfendur með ákveðnum takmörkunum,“ segir Guðrún. Hvert sérsamband hefur þurft að setja sér strangar sóttvarnareglur til að geta byrjað að keppa að nýju.VÍSIR/VILHELM Sáum að fólk steig bara undir og yfir borða Þegar áhorfendur voru leyfðir á leikjum fyrr í sumar máttu íþróttafélög skipta sínum áhorfendasvæðum upp og leyfa hámarksfjölda í hverju „hólfi“. Ekki tókst nægilega vel upp við það að mati sóttvarnasviðs: „Það sem stóð helst í okkur var að með þessari hólfaskiptingu þá myndaðist svolítið mikill fjöldi, þrátt fyrir að það væri hámark á hve margir mættu koma saman. Það varð úr að ekki væri ástæða lengur til að leyfa ekki áhorfendur, ef að aðeins kæmi saman sami fjöldi og er almennt leyfður á samkomum. Við unnum þetta fljótt með ÍSÍ daginn sem auglýsingin kom út,“ segir Guðrún, en það virtist koma ýmsum í knattspyrnuhreyfingunni í opna skjöldu að hólfaskiptingin hefði ekki tekist sem skyldi: „Það voru ákveðnar efasemdir um það að þetta væri að virka almennilega. Það voru myndir af því og um þetta var fjallað í fjölmiðlum, og við sáum að það voru notaðir borðar til að skilja hólf að en fólk steig bara undir og yfir þá. Það þyrftu þá að vera betri skilrúm til að fólk gæti virt þetta. Í stað þess að 100 manns kæmu saman væri þetta því fljótt að vera 300-400 manna samkoma, og í því fólust áhyggjur okkar. Að ef eitthvað kæmi upp á væri töluverður fjöldi í hættu. Ég man ekki betur en að það hafi verið umræða um þetta á sínum tíma, og það var ástæða fyrir því að Þórólfur sóttvarnalæknir og Víðir Reynisson skrifuðu sérstakt minnisblað sem var birt, um hólfaskiptingar. Það var gert til að árétta hvað þessi hólfaskipting þýddi, og þetta var einnig til umræðu á upplýsingafundum. Þetta kom því alveg fram, þó að það hafi ekki verið sent eitthvað sérstakt bréf um það,“ segir Guðrún.
Pepsi Max-deild karla Pepsi Max-deild kvenna Olís-deild karla Olís-deild kvenna Dominos-deild kvenna Dominos-deild karla Faraldur kórónuveiru (COVID-19) Íþróttir Tengdar fréttir Áhorfendur aftur heimilaðir á íþróttaviðburðum Sóttvarnaryfirvöld hafa veitt heimild fyrir áhorfendum á íþróttaviðburðum með ákveðnum skilyrðum. Skilyrðin eru að 2 metra reglan gildi milli einstaklinga sem ekki eru í nánum tengslum og að ekki séu nema 100 manns að hámarki í stúku/stæð. 29. ágúst 2020 11:26 KSÍ fékk engar ábendingar um brotalamir varðandi áhorfendur Guðni Bergsson, formaður Knattspyrnusambands Íslands, vonast til þess að heilbrigðisyfirvöld leyfi sem fyrst áhorfendum að snúa aftur á fótboltaleiki og kallar eftir samræmi í samkomutakmörkunum. 28. ágúst 2020 11:15 Segir hólfaskiptingu á íþróttaleikjum ekki hafa dugað nógu vel Þrátt fyrir að hundrað manns megi koma saman á sportbar til að horfa á fótboltaleik má sami fjöldi fólks ekki mæta til að horfa á fótboltaleik með berum augum á Íslandi í dag. 27. ágúst 2020 16:00 Verða af miklum tekjum vegna áhorfendabanns: „Höfum miklar áhyggjur af rekstrinum ef þetta er komið til að vera“ Áhorfendabannið kemur illa við félögin á Íslandi. Margir af stærstu leikjum fótboltasumarsins eru framundan. 14. ágúst 2020 19:00 Mest lesið Reyndi að stela nærfatnaði leikmanna Fótbolti „Munum gefa allt sem við eigum til að enda meðal efstu fimm“ Enski boltinn Fram einum sigri frá úrslitum Handbolti „Ekki til nokkur einasta króna á Sauðárkróki í kvennafótbolta” Íslenski boltinn Enni ungs sonar Man. Utd leikmanns í tvennt Enski boltinn Selfoss jafnaði metin Handbolti KR sópaði Hamar/Þór og leikur í Bónus deildinni á næstu leiktíð Körfubolti Biður stuðningsfólk afsökunar á skítnum Enski boltinn „Kemur einn leikmaður sem við getum staðfest í kringum næsta leik” Íslenski boltinn „Bara einn leikur og áfram með smjörið“ Körfubolti Fleiri fréttir Enni ungs sonar Man. Utd leikmanns í tvennt Enduðu fimmtán leikja taphrinu í úrslitakeppni NBA Biður stuðningsfólk afsökunar á skítnum Reyndi að stela nærfatnaði leikmanna Dagskráin í dag: Besta deild kvenna og Ronaldo „Munum gefa allt sem við eigum til að enda meðal efstu fimm“ Þjálfari Nóels Atla rekinn eftir tapið gegn Íslendingaliði Sönderjyske „Bara einn leikur og áfram með smjörið“ KR sópaði Hamar/Þór og leikur í Bónus deildinni á næstu leiktíð Selfoss jafnaði metin Fram einum sigri frá úrslitum „Ekki til nokkur einasta króna á Sauðárkróki í kvennafótbolta” „Stemmningin í húsinu hjálpar“ „Kemur einn leikmaður sem við getum staðfest í kringum næsta leik” „Við stóðum af okkur storminn“ Uppgjörið: Stjarnan - Grindavík 108-100 | Stjarnan skrefinu á undan Burnley og Leeds United aftur upp í ensku úrvalsdeildina Forest upp í þriðja sætið eftir sigur á Tottenham FCK tímabundið á toppinn Höfðu betur eftir framlengdan leik Uppgjörið: Tindastóll - Álftanes 100-78 | Ótrúlegur sigur Stólanna Alfons með sitt fyrsta mark fyrir Birmingham Aldís Ásta og stöllur einum sigri frá úrslitunum Uppgjörið: Þór/KA - Tindastóll 2-1 | Endurkoma í Boganum Uppgjörið: FHL - Valur 0-2 | Valskonur sóttu þrjú stig austur Guðrún og Katla með stoðsendingar í Íslendingaslag Valur og KR unnu Scania Cup Lewandowski frá næstu vikurnar og missir af stórleikjum Enn eitt jafnteflið hjá Lyngby Fimmtán ára bjargaði stigi fyrir Brøndby Sjá meira
Áhorfendur aftur heimilaðir á íþróttaviðburðum Sóttvarnaryfirvöld hafa veitt heimild fyrir áhorfendum á íþróttaviðburðum með ákveðnum skilyrðum. Skilyrðin eru að 2 metra reglan gildi milli einstaklinga sem ekki eru í nánum tengslum og að ekki séu nema 100 manns að hámarki í stúku/stæð. 29. ágúst 2020 11:26
KSÍ fékk engar ábendingar um brotalamir varðandi áhorfendur Guðni Bergsson, formaður Knattspyrnusambands Íslands, vonast til þess að heilbrigðisyfirvöld leyfi sem fyrst áhorfendum að snúa aftur á fótboltaleiki og kallar eftir samræmi í samkomutakmörkunum. 28. ágúst 2020 11:15
Segir hólfaskiptingu á íþróttaleikjum ekki hafa dugað nógu vel Þrátt fyrir að hundrað manns megi koma saman á sportbar til að horfa á fótboltaleik má sami fjöldi fólks ekki mæta til að horfa á fótboltaleik með berum augum á Íslandi í dag. 27. ágúst 2020 16:00
Verða af miklum tekjum vegna áhorfendabanns: „Höfum miklar áhyggjur af rekstrinum ef þetta er komið til að vera“ Áhorfendabannið kemur illa við félögin á Íslandi. Margir af stærstu leikjum fótboltasumarsins eru framundan. 14. ágúst 2020 19:00