Særði blygðunarkennd dóttur sinnar og tveggja vinkvenna hennar Tryggvi Páll Tryggvason skrifar 26. ágúst 2020 17:53 Héraðsdómur Reykjavíkur Vísir/Vilhelm Karlmaður hefur verið dæmdur í átta mánaða skilorðsbundið fangelsi fyrir kynferðisbrot og brot gegn barnaverndarlögum fyrir að sært blygðunarkennd dóttur hans og tveggja vinkvenna hennar. Maðurinn var ákærður í þremur liðum, fyrir að hafa á árunum 2017-2018 sært blygðunarkennd dóttur sinnar, með því hafa ítrekað legið nakinn uppi í rúmi með hana í fanginu og á sama tímabili ítrekað farið með henni nakinn í bað, en á þessu tímabili var hún átta til níu ára gömul. Þá var hann ákærður fyrir að hafa í eitt sin á árinu 2018 sært blygðunarkennd vinkonu dóttur hans, sem dvaldi á heimili hans, með því að hafa lagst nakinn við hlið hennar þar sem hún svaf, tekið utan um hana og lagt fótlegg yfir hana þannig að líkamar þeirra lágu saman. Að auki var hann ákærður fyrir að hafa að morgni 6. október 2018 sært blygðunarkennd annarrar vinkonu dóttur hans, dvaldi á heimili hans, með því að hafa lagst nakinn við hlið hennar þar sem hún svaf og legið svo þétt upp við hana að getnaðarlimur hans snerti mjóbak hennar. Játaði sök að hluta Maðurinn játaði seinni tvo hluta ákærunnar en neitaði að hafa sært blygðunarkennd dóttur hans, þó að hann hafi viðurkennt að sú háttsemi sem honum var gefið að sök hafi átt sér stað. Vildi hann meina að dóttir hans hafi alltaf viljað sofa í rúminu hans, en hann sofi alltaf nakinn þar sem hann sé mjög heitfengur. Hann hefði yfirleitt haldið utan um dóttur sína og kúrt með hana. Hún hefði ekki talað um að það væri óþægilegt fyrr en eftir upphaf þessa máls. Hann kvaðst telja að barnið þyrfti að ákveða hvar mörkin væru og við hvaða aldur þetta væri orðið óviðeigandi. Þá hefði hann farið með henni í bað um það bil fjórum eða fimm sinnum árin 2017 og 2018. Hún hefði beðið um að fá að fara með honum í bað þegar hann hefði farið og það væri hennar að ákveða það sjálf. Ekkert kynferðislegt hefði verið við háttsemi hans og hann hefði aldrei upplifað að brotaþola liði ekki vel. Þá væri hann ekki haldinn barnagirnd. Ekki á færi barna að setja fullorðnum mörk að mati héraðsdóms Í niðurstöðu Héraðsdóms Reykjavíkur segir að sú háttsemi mannsins, sem hann hafi sjálfur viðurkennt, að liggja nakinn í rúminu og halda utan um brotaþola væri hlutlægt séð af kynferðislegum toga og til þess fallin að særa blygðunarsemi hennar. Framburður dóttur hans hafi jafnframt bent til þess að svo hafi í raun verið. Það sé ekki á færi barna að setja fullorðnu fólki mörk í slíkum efnum. Maðurinn var þó sýknaður af þeim hluta ákærunnar sem sneri að baðferðunum, en í niðurstöðu héraðsdóms segir að þó það sé megi telja það vart við hæfi að foreldri fari í bað með barni sínu á þessum aldri þyki varhugavert að fullyrða að það eitt út af fyrir sig brjóti gegn almennum hegningarlögum. Var maðurinn dæmdur í átta mánaða fangelsi, sem fellur niður haldi hann skilorði næstu tvö árin. Þá þarf hann jafnframt að greiða dóttur sinni 700 þúsund krónur, auk þess sem að vinkonur hennar fá 500 þúsund krónur hvor. Dómsmál Kynferðisofbeldi Ofbeldi gegn börnum Mest lesið Úlfar hættir sem lögreglustjóri Innlent Breyttar forsendur og pólitískar áherslur á bak við ákvörðunina Innlent Telur víst að gögnin hafi komið frá sérstökum sjálfum Innlent Sjö ára fangelsi fyrir tvær tilraunir til manndráps Innlent Dr. Bjarni er látinn Innlent Geyma fjöldann allan af fullum bensínkútum í bíl í Hlíðunum Innlent Rannsóknarleyfi Rastar hafnað Innlent Þakkantinum var haldið saman með kústskafti Innlent Lýsa martraðakenndri leigubílaferð upp í Bláfjöll Innlent Nú má heita Gúníta Ljósynja Dawn Innlent Fleiri fréttir „Þetta er mikil áskorun en á sama tíma tek ég henni bara vel“ Syndir 1.600 kílómetra í kringum landið: Borðar tíu þúsund kalóríur á dag fyrir svaðilförina Ekkert fundist af báti sem sagður er hafa hvolft Gjörunnin matvæli tæpur helmingur af orkuinntöku landsmanna Tilkynnti um stolið hjól og réðst svo á þjófinn „Þetta var ekki rétt, alveg klárlega“ Máttu skikka nemanda í tvö sjúkrapróf samdægurs Njósnari sér að sér og synt í kring um Ísland Vill deila þekkingu á jarðvarma með Úkraínu Bað forseta að taka „stjórnarliða á skólabekk og tukta þá til“ Sjö ára fangelsi fyrir tvær tilraunir til manndráps Blindir vilja Hljóðbókasafnið heim Stjórnarandstaða kvartar undan starfi í velferðarnefnd Breyttar forsendur og pólitískar áherslur á bak við ákvörðunina Úlfar hættir sem lögreglustjóri Ráðherra hafnaði loftslagsrannsókn vegna ófullnægjandi lagaramma Hafnar því alfarið að hafa lekið gögnunum Nú má heita Gúníta Ljósynja Dawn Fólk varað við aukinni hættu á gróðureld Sala á Íslandsbankabréfum hafin og Jón Óttar sakar Ólaf Þór um leka Rannsóknarleyfi Rastar hafnað Telur víst að gögnin hafi komið frá sérstökum sjálfum Miðhúsabraut lokuð eftir að ekið var á vegfaranda á hlaupahjóli Yfir þrjú hunduð eftirskjálftar Mál Oscars sé barnaverndarmál en ekki útlendingamál Bein útsending: Framtíð matvælaframleiðslu á Íslandi Vara við aukinni hættu á gróðureldum á Austurlandi Stór skjálfti rétt hjá Grímsey Þakkantinum var haldið saman með kústskafti Dr. Bjarni er látinn Sjá meira
Karlmaður hefur verið dæmdur í átta mánaða skilorðsbundið fangelsi fyrir kynferðisbrot og brot gegn barnaverndarlögum fyrir að sært blygðunarkennd dóttur hans og tveggja vinkvenna hennar. Maðurinn var ákærður í þremur liðum, fyrir að hafa á árunum 2017-2018 sært blygðunarkennd dóttur sinnar, með því hafa ítrekað legið nakinn uppi í rúmi með hana í fanginu og á sama tímabili ítrekað farið með henni nakinn í bað, en á þessu tímabili var hún átta til níu ára gömul. Þá var hann ákærður fyrir að hafa í eitt sin á árinu 2018 sært blygðunarkennd vinkonu dóttur hans, sem dvaldi á heimili hans, með því að hafa lagst nakinn við hlið hennar þar sem hún svaf, tekið utan um hana og lagt fótlegg yfir hana þannig að líkamar þeirra lágu saman. Að auki var hann ákærður fyrir að hafa að morgni 6. október 2018 sært blygðunarkennd annarrar vinkonu dóttur hans, dvaldi á heimili hans, með því að hafa lagst nakinn við hlið hennar þar sem hún svaf og legið svo þétt upp við hana að getnaðarlimur hans snerti mjóbak hennar. Játaði sök að hluta Maðurinn játaði seinni tvo hluta ákærunnar en neitaði að hafa sært blygðunarkennd dóttur hans, þó að hann hafi viðurkennt að sú háttsemi sem honum var gefið að sök hafi átt sér stað. Vildi hann meina að dóttir hans hafi alltaf viljað sofa í rúminu hans, en hann sofi alltaf nakinn þar sem hann sé mjög heitfengur. Hann hefði yfirleitt haldið utan um dóttur sína og kúrt með hana. Hún hefði ekki talað um að það væri óþægilegt fyrr en eftir upphaf þessa máls. Hann kvaðst telja að barnið þyrfti að ákveða hvar mörkin væru og við hvaða aldur þetta væri orðið óviðeigandi. Þá hefði hann farið með henni í bað um það bil fjórum eða fimm sinnum árin 2017 og 2018. Hún hefði beðið um að fá að fara með honum í bað þegar hann hefði farið og það væri hennar að ákveða það sjálf. Ekkert kynferðislegt hefði verið við háttsemi hans og hann hefði aldrei upplifað að brotaþola liði ekki vel. Þá væri hann ekki haldinn barnagirnd. Ekki á færi barna að setja fullorðnum mörk að mati héraðsdóms Í niðurstöðu Héraðsdóms Reykjavíkur segir að sú háttsemi mannsins, sem hann hafi sjálfur viðurkennt, að liggja nakinn í rúminu og halda utan um brotaþola væri hlutlægt séð af kynferðislegum toga og til þess fallin að særa blygðunarsemi hennar. Framburður dóttur hans hafi jafnframt bent til þess að svo hafi í raun verið. Það sé ekki á færi barna að setja fullorðnu fólki mörk í slíkum efnum. Maðurinn var þó sýknaður af þeim hluta ákærunnar sem sneri að baðferðunum, en í niðurstöðu héraðsdóms segir að þó það sé megi telja það vart við hæfi að foreldri fari í bað með barni sínu á þessum aldri þyki varhugavert að fullyrða að það eitt út af fyrir sig brjóti gegn almennum hegningarlögum. Var maðurinn dæmdur í átta mánaða fangelsi, sem fellur niður haldi hann skilorði næstu tvö árin. Þá þarf hann jafnframt að greiða dóttur sinni 700 þúsund krónur, auk þess sem að vinkonur hennar fá 500 þúsund krónur hvor.
Dómsmál Kynferðisofbeldi Ofbeldi gegn börnum Mest lesið Úlfar hættir sem lögreglustjóri Innlent Breyttar forsendur og pólitískar áherslur á bak við ákvörðunina Innlent Telur víst að gögnin hafi komið frá sérstökum sjálfum Innlent Sjö ára fangelsi fyrir tvær tilraunir til manndráps Innlent Dr. Bjarni er látinn Innlent Geyma fjöldann allan af fullum bensínkútum í bíl í Hlíðunum Innlent Rannsóknarleyfi Rastar hafnað Innlent Þakkantinum var haldið saman með kústskafti Innlent Lýsa martraðakenndri leigubílaferð upp í Bláfjöll Innlent Nú má heita Gúníta Ljósynja Dawn Innlent Fleiri fréttir „Þetta er mikil áskorun en á sama tíma tek ég henni bara vel“ Syndir 1.600 kílómetra í kringum landið: Borðar tíu þúsund kalóríur á dag fyrir svaðilförina Ekkert fundist af báti sem sagður er hafa hvolft Gjörunnin matvæli tæpur helmingur af orkuinntöku landsmanna Tilkynnti um stolið hjól og réðst svo á þjófinn „Þetta var ekki rétt, alveg klárlega“ Máttu skikka nemanda í tvö sjúkrapróf samdægurs Njósnari sér að sér og synt í kring um Ísland Vill deila þekkingu á jarðvarma með Úkraínu Bað forseta að taka „stjórnarliða á skólabekk og tukta þá til“ Sjö ára fangelsi fyrir tvær tilraunir til manndráps Blindir vilja Hljóðbókasafnið heim Stjórnarandstaða kvartar undan starfi í velferðarnefnd Breyttar forsendur og pólitískar áherslur á bak við ákvörðunina Úlfar hættir sem lögreglustjóri Ráðherra hafnaði loftslagsrannsókn vegna ófullnægjandi lagaramma Hafnar því alfarið að hafa lekið gögnunum Nú má heita Gúníta Ljósynja Dawn Fólk varað við aukinni hættu á gróðureld Sala á Íslandsbankabréfum hafin og Jón Óttar sakar Ólaf Þór um leka Rannsóknarleyfi Rastar hafnað Telur víst að gögnin hafi komið frá sérstökum sjálfum Miðhúsabraut lokuð eftir að ekið var á vegfaranda á hlaupahjóli Yfir þrjú hunduð eftirskjálftar Mál Oscars sé barnaverndarmál en ekki útlendingamál Bein útsending: Framtíð matvælaframleiðslu á Íslandi Vara við aukinni hættu á gróðureldum á Austurlandi Stór skjálfti rétt hjá Grímsey Þakkantinum var haldið saman með kústskafti Dr. Bjarni er látinn Sjá meira