Enska knattspyrnusambandið ákvað í gær að kæra Carlo Ancelotti, stjóra Everton, fyrir hegðun sína eftir leik Everton og Man. Utd.
Ancelotti var mjög óánægður með að mark síns liðs í lokin hefði verið dæmt af vegna rangstöðu á Gylfa Þór Sigurðsson. Ancelotti mótmælti í leikslok og fékk að líta rauða spjaldið.
Ancelotti sagði eftir leikinn að hann hefði ekki verið með neinn dónaskap við Chris Kavanagh dómara og hefði rætt það við hann í rólegheitum eftir leikinn.
Í kæru enska knattspyrnusambandsins kemur fram að Ancelotti geti lokað málinu með því að greiða 1,3 milljónir króna í sekt en því fylgi ekkert leikbann.
Ancelotti kærður en fær ekki bann
Tengdar fréttir
Það VAR dramatík á Goodison | Ótrúlegar lokamínútur á Goodison
Lokamínútur leiks Everton og Manchester United í ensku úrvalsdeildinni voru hreint út sagt ótrúlegar þar sem myndbandsdómgæsla kom mikið við sögu. Lokatölur 1-1 þar sem Gylfi Þór Sigurðsson var dæmdur rangstæður undir lok leiks.
Ancelotti veit það á miðvikudag hvort hann fái bann fyrir að mótmæla rangstöðu Gylfa
Carlo Ancelotti, knattspyrnustjóri Everton, gæti verið á leiðinni í leikbann eftir að hafa fengið rautt spjald eftir leik Everton og Manchester United í gær.
