Sjáðu þrennu Óttars og öll hin mörkin í stórsigri Víkinga á KA

Óttar Magnús Karlsson og félagar í Víkingi unnu 6-0 sigur á KA í Lengjubikarnum um helgina en bæði liðin spila í Pepsi Max deildinni í sumar.

Óttar Magnús Karlsson átti þátt í fimm fyrstu mörkum Víkinga í leiknum en þau komu á fyrstu 65 mínútum leiksins.

Óttar Magnús skoraði fyrsta markið, lagði upp annað markið og skoraði síðan tvö mörk til viðbótar. Hann átti einnig stóran þátt í fimmta markinu.

Mörk Óttars voru öll með þrumuskotum og fær stuðningsmenn Víkinga vissulega til að vera spenntir fyrir komandi sumri.

Óttar Magnús Karlsson var eins og áður sagði með þrennu en hin mörkin skoruðu þeir Atli Hrafn Andrason, Viktor Örlygur Andrason og Örvar Eggertsson.

Hér fyrir neðan má sjá öll mörk Víkinga í þessum stórsigri á KA-mönnum.





Óttar Magnús er nú kominn með sjö mörk í fyrstu fjórum leikjum Víkinga í Lengjubikarnum í ár en Víkingar hafa unnið alla þessa fjóra leik og það með markatölunni 15-0.

Óttar Magnús Karlsson skoraði bæði mörkin í 2-0 sigri á Fylki, Ágúst Eðvald Hlynsson og Helgi Guðjónsson skoruðu mörk Víkinga í 2-0 sigri á Keflavík og Óttar Magnús Karlsson (2 mörk), Atli Hrafn Andrason, Helgi Guðjónsson og Tómas Guðmundsson skoruðu mörkin í 5-0 sigri á Magna.