Fótbolti

Sakaður um kynþáttafordóma gegn eigin leikmanni

Ingvi Þór Sæmundsson skrifar
Takefusa Kubo kemur inn á í leiknum gegn Espanyol.
Takefusa Kubo kemur inn á í leiknum gegn Espanyol. vísir/getty

Dani Pastor, þrekþjálfari Real Mallorca, hefur verið sakaður um kynþáttaníð í garð leikmanns liðsins, Japanans Takefusa Kubo.

Þegar Salva Sevilla meiddist í leik Mallorca gegn Espanyol á sunnudaginn átti Kubo að koma inn á sem varamaður.

Til að ná athygli Kubos flautaði Pastor á hann og teygði svo á augunum eins og hann væri skáeygður eins og sjá má hér fyrir neðan.



Kubo kom inn á sem varamaður á 65. mínútu. Mallorca tapaði leiknum með einu marki gegn engu. Liðið er í 18. sæti spænsku úrvalsdeildarinnar með 18 stig, tveimur stigum frá öruggu sæti.

Kubo, sem er 18 ára, er á láni hjá Mallorca frá Real Madrid sem keypti hann frá FC Tokyo síðasta sumar. Hann skrifaði undir fimm ára samning við Real Madrid.

Kynþáttafordómar Spænski boltinn

Mest lesið


Fleiri fréttir

Sjá meira


×

Mest lesið