Svava skoraði sigurmarkið

Svava Rós Guðmundsdóttir skoraði sigurmarkið þegar Kristianstad vann Örebro á útivelli í úrvalsdeild kvenna í Svíþjóð.

Jutta Rantala kom Kristianstad yfir á 20. mínútu en á 30. mínútu jafnaði Örebro leikinn. Svava Rós skoraði síðan sigurmark leiksins í seinni hálfleik á 49. mínútu. 

Kristianstad fer upp í 3. sæti með sigrinum og er liðið nú með 21 stig eftir ellefu leiki. Elísabet Gunnarsdóttir er þjálfari Kristianstad.

Anna Rakel Pétursdóttir spilaði fyrri hálfleik í 3-1 tapi Uppsala gegn Linköping og er Uppsala einu stigi ofar en fallsæti í tíunda sætinu.