Ungliðakvöld hjá SVFR

Stangaveiðifélag Reykjavíkur hefur verið duglegt að vera með opin hús í vetur og nú er komið að því að bjóða ungliða félagsins á sérstakt opið hús fyrir þá.

Það er alltaf gaman á þessum kvöldum þegar veiðimenn hittast, bera saman bækur sínar og svo ég tali ekki um þann fróðleik sem oft er að finna. Dagskráin er að venju góð og þar ber líklega hæst kynning á Elliðaánum sem hefur verið uppeldisstöð veiðimanna á Íslandi í áratugi. Eins má nefna erindi frá veiðihóp sem kallar sig Villimenn en þeir njóta mikilla vinsælda á samfélagsmiðlum og eru að því virðist í þeirra veiðimyndböndum ekki bara veiðin hópur heldur líflegur og skemmtilegur.

Kvöldið er haldið þann 6. febrúar og opnar húsið kl 19:30 en á dagskrá kvöldsins er meðal annars:

•  Nokkur vel valin orð frá SVFR - Brynjar Þór Hreggviðsson sölustjóri
•  Ingimundur kynnir Veiðikortið (verður til sölu á afslætti þetta kvöld)
•  Kynning á Elliðaánni, allt frá vorveiðinni fram á haust
•  Fulltrúi frá Veiðihorninu kynnir vörur sínar og þjónustu
•  Villimenn sýna frá veiðiferðum sínum
•  Innritun í félagið verður á sérstökum afslætti þetta kvöld
•  Happahylurinn (happdrættismiði á 200 kr., hámark 5 miðar á mann)
  
  Vinningar eru

•  Veiðivörur frá Veiðihorninu, veiðikortið, veiðileyfi frá SVFR o.fl.