Tveggja marka sigrar hjá Blikum og ÍA

Breiðablik og ÍA unnu bæði leiki sína í Fótbolta.net mótinu í dag en báðir enduðu þeir 2-0.

Breiðablik vann 2-0 sigur á ÍBV á Kópavogsvelli. Brynjólfur Darri Willumsson og Gísli Eyjólfsson skoruðu mörkin í fyrri hálfleik.

BLikarnir eru því með sex stig í A-riðlinum en ÍBV er með eitt líkt og FH. HK er með þrjú stig í 2. sætinu.

Upp á Skaga unnu heimamenn 2-0 sigur á Grindavík. Markalaust var í hálfleik en Brynjar Snær Pálsson og Viktor Jónsson gerðu mörkin í síðari hálfleik.

ÍA með fjögur stig líkt og Stjarnan, Grótta er með þrjú en Grindavík án stiga á botni riðilsins.

Markaskorarar eru fengnir frá úrslit.net.