Kvöldfréttir Stöðvar 2

Ríkisstofnanir kolefnisjafna ekki ferðir sínar á meðan þátttaka almennings og fyrirtækja hefur allt að tífaldast á milli ára. Rætt verður við stjórnarformann Kolviðar í kvöldfréttum Stöðvar 2 sem saknar framlags ríkisins.

Einnig verður rætt við settan ríkislögreglustjóra sem mætti sinn fyrsta dag til vinnu hjá embættinu í dag. Fjallað verður áfram um skógareldana sem geisa enn í Ástralíu og rætt við Íslending sem búsettur er á svæðinu.

Við förum líka á kynningarfund Veganúar í Bíó Paradís þar sem fólk er hvatt til að vera vegan í heilan mánuð.

Þetta og margt fleira í kvöldfréttum á samtengdum rásum Stöðvar 2, Bylgjunnar og Vísis kl. 18:30.