Þrátt fyrir að gular veðurviðvaranir séu í gildi víða á norðurhelmingi landsins og á Suðausturlandi var hitamet sumarsins slegið á tveimur stöðum í dag.
Fyrra hitametið var á Egilstöðum á þriðjudag en féll í dag þegar hiti mældist 26,3 stig á Neskaupstað. Hlýindin einskorðast þó ekki aðeins við Neskaupstað því hiti fór upp í 26,1 stig á Seyðisfirði. Þetta staðfestir Óli Þór Árnason, veðurfræðingur í samtali við fréttastofu.
