„Ég elska vöfflur og ég elska tiramisu þannig mér fannst mjög sniðugt að sameina þetta í eitt,“ segir kokkurinn Erla Þóra Bergmann Pálmadóttir. Hún deilir hér uppskrift með lesendum. Erla Þóra er kokkur á veitingastaðnum Fjallkonunni og hefur þar vakið athygli fyrir eftirréttina sína.
Tiramisu vaffla
- 2 bollar hveiti
- 2 egg
- 1 tsk lyftiduft
- 1 msk sykur 1 msk hunang
- 1/2 bolli mjólk
- 1/2 bolli sterkt kaffi
- 1 bolli ab mjólk
- 2 msk olía
- 2 msk vanilla, paste eða dropar
- 5 msk súkkulaðispænir
Öllum hráefnunum blandað vel saman.
Mascarpone krem
- 400 gr mascarpone ostur
- 100 gr flórsykur
- 180 gr þeyttur rjómi
- 1 tsk kakó
- 1 msk sterkt kaffi, kælt
- 1 tsk vanilla- paste eða dropar
Mascarpone osturinn er þeyttur í nokkrar mínútur og flórsykrinum bætt saman við. Kaffinu og kakóinu er síðan hrært saman og síðan bætt saman við blönduna. Rjóminn er þeyttur og er síðan blandað varlega saman við mascarpone blönduna.
Kakófufti er síðan stráð yfir vöffluna í lokin.
