Ólga innan sundhreyfingarinnar vegna meints brots Hafnfirðinga á samkomubanni Jakob Bjarnar skrifar 16. júlí 2020 08:30 Mikil ólga er innan sundhreyfingarinnar en Sundfélag Hafnarfjarðar er sakað um að hafa brotið allar reglur; að félagar þar hafi æft meðan á samkomubanni stóð meðan aðrir komust ekki til lauga. getty SolisImages Veruleg ólga hefur verið að undanfarnar vikur innan sundhreyfingarinnar vegna meints brots Sundfélags Hafnarfjarðar á samkomubanni: Að félagar þar hafi æft meðan Víðir og félagar hafi lagt blátt bann við slíku. Þeir sem telja þetta ekki forsvaranlegt telja að um lög- og siðbrot sé að ræða. Forsvarsmenn ýmissa aðildarfélaga innan Sundsambands Íslands vilja meina að sundmenn SH hafi æft eins og enginn væri morgundagurinn meðan á samkomubanni stóð. Sem þá þýðir það að sundmenn mismunandi félaga standa ekki jafnfætis. Það vilja þeir sem Vísir hefur rætt við meina að hafi sýnt sig á aldursflokkameistaramóti, sem er í raun Íslandsmót yngri sundmanna, sem haldið var um síðustu helgi. Og ekki sé hægt að una slíku. Málið kært til íþróttadómsstóls ÍSÍ Þá er fullyrt að dæmi séu um að sundfólk ætli að sniðganga Íslandsmeistaramótið sem haldið verður í Laugardalslaug um næstu helgi. Málið er afar viðkvæmt og er þá vísað til þess að sundhreyfingin sé lítil og þannig hætt við að allri gagnrýni verði tekið persónulega. Laugardalslaug. Þarna verður Íslandsmeistaramótið haldið um næstu helgi. Fullyrt er í eyru blaðamanns Vísis að einhverjir sundmenn hyggist sniðganga mótið vegna málsins en formaður SSÍ segir hins vegar skráningu með miklum ágætum.visir/vilhelm Björn Sigurðsson formaður SSÍ segir að sér sé ekki kunnugt um að sundmenn ætli að sniðganga Íslandsmeistaramótið, segir skráningu í mótið ágæta og hann telur málið afgreitt. Þó liggur fyrir kæra vegna málsins hjá Íþróttadómsstól ÍSÍ. Gunnar Guðmundsson lögmaður er í forsvari fyrir dómsstólinn. Hann segir í samtali við Vísi að Halldór Frímannsson sé dómari í því máli. Greinargerðarfrestur hefur verið gefinn til 28. þessa mánaðar. Spurður hvort slík mál séu algeng innan vébanda íþróttahreyfingarinnar segir hann svo ekki vera. „Þetta er eina dæmið sem ég veit um.“ Yfirlýsing SH Björn Sigurðsson er formaður stjórnar SSÍ. Hann segir þetta þriggja mánaða gamalt mál og að það hafi farið sína eðlilegu leið innan vébanda sambandsins. Siðanefnd sé búið að taka það fyrir og senda frá sér úrskurð. Þá hafi SH sent frá sér yfirlýsingu vegna málsins. Þá yfirlýsingu má sjá í heild sinni í tengdum skjölum en þar segir meðal annars: „Við hjá Sundfélagi Hafnarfjarðar höfum heyrt af ýmsum sögum og orðróm um að við værum að brjóta reglur í samkomubanni. Við eins og aðrir reynum að hugsa í lausnum í þessu ástandi og þá sérstaklega þegar sundlaugum var lokað. Varð það úr eftir samtal, sem kom frá Hafnarfjarðarbæ, um hvað við máttum gera. Við máttum hafa æfingar fyrir fimm sundmenn, það ætti að vera einn í einu í lauginni og þessir fimm sundmenn máttu ekki vera á sama tíma í húsinu. Sundmaður átti að koma tilbúinn á bakkann, ekki nota búnings- eða sturtuklefa. Þau máttu bara koma á meðan starfsmenn voru í lauginni og enginn þjálfari. Málið liggur nú fyrir hjá sérlegum íþróttadómstól ÍSÍ.getty/Stanislaw Pytel Þegar ákvörðun um þetta var tekin var ekki búið að fresta eða fella niður; Ólympíuleika, EM, EMU eða NÆM. Var því ákveðið að þeir sundmenn sem væru með lágmörk á stærstu mótin fengju að nota þessa tíma. (Hefðum við viljað að allir þeir sem höfðu lágmörk á þessi mót fengju að nota aðstöðuna hjá okkur en því miður þá voru okkur settar þröngar skorður). Síðar var öllum mótum frestað og þessum æfingum var í framhaldinu sjálfhætt fyrir páska þar sem Hafnarfjarðarbær fór í framkvæmdir í öllum sundlaugum bæjarins.“ Undir þessa yfirlýsingu ritar Karl Georg Klein formaður SH. Formaðurinn kannast ekki við neina sniðgöngu Björn furðar sig á því að málinu sé ekki þar með lokið. Þá segir Björn ekki vita til þess að sundmenn hyggist sniðganga Íslandsmeistaramótið sem haldið verður um næstu helgi. „Ég kannast ekki við það að einhverjar helstu sundmenn ætli að sniðganga mótið. Það er ekki í samræmi við skráningu. Ég get ekki svarað fyrir einstaka sundmenn sem kjósa að mæta ekki, sem ég þekki ekki til, en það er bara fín þátttaka,“ segir Björn. Hann segir stjórnina hafa fengið málið til umfjöllunar, þaðan hafi það farið til siðanefndar sem hafi gert ítarlega skýrslu um málið og birt niðurstöðu. Formaður SSÍ vísar til þess að siðanefnd hafi fjallað um málið en fyrir liggur að margir vilja ekki una þeirri niðurstöðu, sem reyndist þeim sem vildu að tekið yrði á málinu með afgerandi hætti vonbrigði. „Aga og siðareglur fara eftir reglum sem öll félag geta haft áhrif á, lög og reglugerðir, annað hvert ár á sundþingi. Þetta er okkar stjórnarskrá, má segja. Aga og siðanefnd fór eftir því sem hún getur tekið úr henni og skilaði niðurstöðunni. Hvort fólk uni því er svo annað mál, og lítið sem við getum gert í því. SH sendi yfirlýsingu frá sér um miðjan maí.“ Formaðurinn furðar sig á úlfúðinni Björn segir heimild í reglugerð að vísa málinu til íþróttadómstólsins og það sé sjálfsagt að fólk láti á það reyna. „Við tökum til varna þar. Fólk er ósammála, getur skotið málum þangað og við tökum þá bara á því þannig. Það er það ferli sem það er í. Ég skil ekki í þessu, af hverju fólk er svona heitt í hamsi nú,“ segir Björn og vísar til þess að málið hafi komið upp í maí. Björn Sigurðsson formaður SSÍ segir að siða- og aganefnd hafi fjallað um málið og telur að því ætti þar með að vera lokið.ssí Þá segir Björn það ekki svo að þeir sem hafi keppt á aldursflokkameistaramótinu hafi ekki staðið jafnfætis, einfaldlega vegna þess að enginn sem þar hafi keppt hafi verið í þeim fimm manna hópi sem æfði í sundlauginni í Hafnarfirði. Ekki er ofsagt að hiti hafi verið vegna málsins, sem ekki sér fyrir enda á. Í bréfi Ingibjörg Kristinsdóttir formaður Sundráðs Reykjavíkur ritaði til sundmanna og foreldra/forráðamanna vísar hún til téðs orðróms, að sundmenn SH hafi verið við æfingar meðan á samkomubanni Almannavarna stóð. Hún segir þann orðróm staðfestan með yfirlýsingu formanns SH. Lögbrot og siðbrot „Í framhaldi þess pósts ákvað Sundráð Reykjavíkur (SRR) að skoða málið með það að markmiði að fá staðfestingu á því að þetta hafi í raun verið með leyfi Hafnarfjarðarbæjar og vitneskju Sundsambandsins,“ segir í bréfi Ingibjargar: „Eftir þessa eftirgrennslan varð það ljóst að formaður SSÍ ásamt verkefnastjórum landsliða a.m.k. höfðu vitneskju um þetta athæfi en völdu að aðhafast ekkert í því á meðan á því stóð. Annar verkefnastjórinn er þjálfari í SH. Vegna þessa ákvað SRR að senda inn formlega kvörtun til ÍSÍ þann 12. maí, þar sem að okkar mati er um lögbrot að ræða svo ekki sé minnst á siðabrot.“ Ingibjörg segir að óskað hafi verið eftir því að málið yrði tekið til meðferðar og þá eftir atvikum úrskurða um hvort þetta væri ekki brot á reglum ÍSÍ og hvort viðurlög væru við þessu hátterni? Hún segir að ÍSÍ hafi ekki talið málið sundtengt og sendi það til stjórnar SSÍ í framhaldi sem sendi það svo til Aga- og siðanefndar. Nefndin sendi svo meðfylgjandi úrskurð til formanns SRR 23. júní sl. og var hann samþykktur af stjórn SSÍ. „Stjórn SRR fundaði um málið og hefur komist að þeirri niðurstöðu að áfrýja niðurstöðu nefndarinnar til Íþróttadómstóls ÍSÍ þar sem sundmenn Reykjavíkur sitja ekki við sama borð og þeir sundmenn SH sem fengu að æfa á tímum samkomubanns. Okkar sundmenn voru frá laug í 7 vikur á meðan sundmenn SH voru að æfa. Þessir sundmenn eru að fara að keppa við hvern annan á AMÍ og ÍM50,“ segir í bréfi Ingibjargar. Tengd skjöl Ad_gefnu_tilefni_shhPDF95KBSækja skjal Íþróttir Sund Sundlaugar Hafnarfjörður Stjórnsýsla Mest lesið Vaktin: Forsetakosningar í Bandaríkjunum Erlent Donald Trump forseti á nýjan leik Erlent Kosningavaktin: Íslendingar ganga að kjörborðinu Innlent Þungur dómur fyrir að drepa son sinn og reyna að drepa annan Innlent „Afskaplega slæmar fréttir fyrir heimshagkerfið“ Innlent Baráttan um Bandaríkin: Donald Trump verður forseti, og hvað svo? Erlent Trump lýsir yfir sigri: Guð hafi bjargað honum svo hann gæti bjargað Ameríku Erlent Íslenskir Trumpistar fylgjast spenntir með skammt frá Trump sjálfum Innlent Horfði upp á fimmtán mínútna dauðastríð í bakgarðinum Innlent Óttast verulegt bakslag á mörgum vígstöðvum Erlent Fleiri fréttir Horfði upp á fimmtán mínútna dauðastríð í bakgarðinum Kosningapallborðið: Formenn Framsóknar, Flokks fólksins og Samfylkingar ræða málin „Afskaplega slæmar fréttir fyrir heimshagkerfið“ Trump snýr aftur með öruggum sigri Veðurviðvaranir í kortunum Þungur dómur fyrir að drepa son sinn og reyna að drepa annan Skrifa skilaboð með báðum og stýra með hnéi Íslenskir Trumpistar fylgjast spenntir með skammt frá Trump sjálfum Grátbiðja deiluaðila að finna lausn Rekstur borgarinnar allur að braggast segir borgarstjóri Fleiri tilkynningar um týnd ungmenni en allt árið í fyrra Eitt barn enn á gjörgæslu og líðan þess stöðug Afskipti af bifreið endaði með handtöku fjögurra manna Lausir hundar hafi drepið fleiri kindur Sögulegt spennustig týnd börn og bugaðir foreldrar Leggja til að stofna þjóðgarð í Dalabyggð Ástand skapaðist vegna skorts á armböndum Keyrði utan vegar og hafnaði á öðrum bíl sem valt Ógnaði barnsmóður sinni með haglabyssu Engar upplýsingar fást um tengsl konunnar við barnið Bein útsending: Frambjóðendur ræða málefni fatlaðs fólks Fjörutíu prósent kjósenda Miðflokks vilja Trump „Við erum ógeðslega sár fyrir hönd barnanna okkar“ Leikskólinn Mánagarður opinn á ný Bein útsending: Loftslagsmál rædd á Umhverfisþingi Frambjóðendur ræða áfengis- og vímuefnamál Perlan þurfi að seljast fyrir áramót svo dæmið gangi upp Hagnast um hálfan milljarð og reiknar með þrefalt meira á næsta ári Bein útsending: Kosningafundur með formönnum flokkanna Fjárhagsáætlun borgarinnar kynnt og Kanar ganga að kjörborðinu Sjá meira
Veruleg ólga hefur verið að undanfarnar vikur innan sundhreyfingarinnar vegna meints brots Sundfélags Hafnarfjarðar á samkomubanni: Að félagar þar hafi æft meðan Víðir og félagar hafi lagt blátt bann við slíku. Þeir sem telja þetta ekki forsvaranlegt telja að um lög- og siðbrot sé að ræða. Forsvarsmenn ýmissa aðildarfélaga innan Sundsambands Íslands vilja meina að sundmenn SH hafi æft eins og enginn væri morgundagurinn meðan á samkomubanni stóð. Sem þá þýðir það að sundmenn mismunandi félaga standa ekki jafnfætis. Það vilja þeir sem Vísir hefur rætt við meina að hafi sýnt sig á aldursflokkameistaramóti, sem er í raun Íslandsmót yngri sundmanna, sem haldið var um síðustu helgi. Og ekki sé hægt að una slíku. Málið kært til íþróttadómsstóls ÍSÍ Þá er fullyrt að dæmi séu um að sundfólk ætli að sniðganga Íslandsmeistaramótið sem haldið verður í Laugardalslaug um næstu helgi. Málið er afar viðkvæmt og er þá vísað til þess að sundhreyfingin sé lítil og þannig hætt við að allri gagnrýni verði tekið persónulega. Laugardalslaug. Þarna verður Íslandsmeistaramótið haldið um næstu helgi. Fullyrt er í eyru blaðamanns Vísis að einhverjir sundmenn hyggist sniðganga mótið vegna málsins en formaður SSÍ segir hins vegar skráningu með miklum ágætum.visir/vilhelm Björn Sigurðsson formaður SSÍ segir að sér sé ekki kunnugt um að sundmenn ætli að sniðganga Íslandsmeistaramótið, segir skráningu í mótið ágæta og hann telur málið afgreitt. Þó liggur fyrir kæra vegna málsins hjá Íþróttadómsstól ÍSÍ. Gunnar Guðmundsson lögmaður er í forsvari fyrir dómsstólinn. Hann segir í samtali við Vísi að Halldór Frímannsson sé dómari í því máli. Greinargerðarfrestur hefur verið gefinn til 28. þessa mánaðar. Spurður hvort slík mál séu algeng innan vébanda íþróttahreyfingarinnar segir hann svo ekki vera. „Þetta er eina dæmið sem ég veit um.“ Yfirlýsing SH Björn Sigurðsson er formaður stjórnar SSÍ. Hann segir þetta þriggja mánaða gamalt mál og að það hafi farið sína eðlilegu leið innan vébanda sambandsins. Siðanefnd sé búið að taka það fyrir og senda frá sér úrskurð. Þá hafi SH sent frá sér yfirlýsingu vegna málsins. Þá yfirlýsingu má sjá í heild sinni í tengdum skjölum en þar segir meðal annars: „Við hjá Sundfélagi Hafnarfjarðar höfum heyrt af ýmsum sögum og orðróm um að við værum að brjóta reglur í samkomubanni. Við eins og aðrir reynum að hugsa í lausnum í þessu ástandi og þá sérstaklega þegar sundlaugum var lokað. Varð það úr eftir samtal, sem kom frá Hafnarfjarðarbæ, um hvað við máttum gera. Við máttum hafa æfingar fyrir fimm sundmenn, það ætti að vera einn í einu í lauginni og þessir fimm sundmenn máttu ekki vera á sama tíma í húsinu. Sundmaður átti að koma tilbúinn á bakkann, ekki nota búnings- eða sturtuklefa. Þau máttu bara koma á meðan starfsmenn voru í lauginni og enginn þjálfari. Málið liggur nú fyrir hjá sérlegum íþróttadómstól ÍSÍ.getty/Stanislaw Pytel Þegar ákvörðun um þetta var tekin var ekki búið að fresta eða fella niður; Ólympíuleika, EM, EMU eða NÆM. Var því ákveðið að þeir sundmenn sem væru með lágmörk á stærstu mótin fengju að nota þessa tíma. (Hefðum við viljað að allir þeir sem höfðu lágmörk á þessi mót fengju að nota aðstöðuna hjá okkur en því miður þá voru okkur settar þröngar skorður). Síðar var öllum mótum frestað og þessum æfingum var í framhaldinu sjálfhætt fyrir páska þar sem Hafnarfjarðarbær fór í framkvæmdir í öllum sundlaugum bæjarins.“ Undir þessa yfirlýsingu ritar Karl Georg Klein formaður SH. Formaðurinn kannast ekki við neina sniðgöngu Björn furðar sig á því að málinu sé ekki þar með lokið. Þá segir Björn ekki vita til þess að sundmenn hyggist sniðganga Íslandsmeistaramótið sem haldið verður um næstu helgi. „Ég kannast ekki við það að einhverjar helstu sundmenn ætli að sniðganga mótið. Það er ekki í samræmi við skráningu. Ég get ekki svarað fyrir einstaka sundmenn sem kjósa að mæta ekki, sem ég þekki ekki til, en það er bara fín þátttaka,“ segir Björn. Hann segir stjórnina hafa fengið málið til umfjöllunar, þaðan hafi það farið til siðanefndar sem hafi gert ítarlega skýrslu um málið og birt niðurstöðu. Formaður SSÍ vísar til þess að siðanefnd hafi fjallað um málið en fyrir liggur að margir vilja ekki una þeirri niðurstöðu, sem reyndist þeim sem vildu að tekið yrði á málinu með afgerandi hætti vonbrigði. „Aga og siðareglur fara eftir reglum sem öll félag geta haft áhrif á, lög og reglugerðir, annað hvert ár á sundþingi. Þetta er okkar stjórnarskrá, má segja. Aga og siðanefnd fór eftir því sem hún getur tekið úr henni og skilaði niðurstöðunni. Hvort fólk uni því er svo annað mál, og lítið sem við getum gert í því. SH sendi yfirlýsingu frá sér um miðjan maí.“ Formaðurinn furðar sig á úlfúðinni Björn segir heimild í reglugerð að vísa málinu til íþróttadómstólsins og það sé sjálfsagt að fólk láti á það reyna. „Við tökum til varna þar. Fólk er ósammála, getur skotið málum þangað og við tökum þá bara á því þannig. Það er það ferli sem það er í. Ég skil ekki í þessu, af hverju fólk er svona heitt í hamsi nú,“ segir Björn og vísar til þess að málið hafi komið upp í maí. Björn Sigurðsson formaður SSÍ segir að siða- og aganefnd hafi fjallað um málið og telur að því ætti þar með að vera lokið.ssí Þá segir Björn það ekki svo að þeir sem hafi keppt á aldursflokkameistaramótinu hafi ekki staðið jafnfætis, einfaldlega vegna þess að enginn sem þar hafi keppt hafi verið í þeim fimm manna hópi sem æfði í sundlauginni í Hafnarfirði. Ekki er ofsagt að hiti hafi verið vegna málsins, sem ekki sér fyrir enda á. Í bréfi Ingibjörg Kristinsdóttir formaður Sundráðs Reykjavíkur ritaði til sundmanna og foreldra/forráðamanna vísar hún til téðs orðróms, að sundmenn SH hafi verið við æfingar meðan á samkomubanni Almannavarna stóð. Hún segir þann orðróm staðfestan með yfirlýsingu formanns SH. Lögbrot og siðbrot „Í framhaldi þess pósts ákvað Sundráð Reykjavíkur (SRR) að skoða málið með það að markmiði að fá staðfestingu á því að þetta hafi í raun verið með leyfi Hafnarfjarðarbæjar og vitneskju Sundsambandsins,“ segir í bréfi Ingibjargar: „Eftir þessa eftirgrennslan varð það ljóst að formaður SSÍ ásamt verkefnastjórum landsliða a.m.k. höfðu vitneskju um þetta athæfi en völdu að aðhafast ekkert í því á meðan á því stóð. Annar verkefnastjórinn er þjálfari í SH. Vegna þessa ákvað SRR að senda inn formlega kvörtun til ÍSÍ þann 12. maí, þar sem að okkar mati er um lögbrot að ræða svo ekki sé minnst á siðabrot.“ Ingibjörg segir að óskað hafi verið eftir því að málið yrði tekið til meðferðar og þá eftir atvikum úrskurða um hvort þetta væri ekki brot á reglum ÍSÍ og hvort viðurlög væru við þessu hátterni? Hún segir að ÍSÍ hafi ekki talið málið sundtengt og sendi það til stjórnar SSÍ í framhaldi sem sendi það svo til Aga- og siðanefndar. Nefndin sendi svo meðfylgjandi úrskurð til formanns SRR 23. júní sl. og var hann samþykktur af stjórn SSÍ. „Stjórn SRR fundaði um málið og hefur komist að þeirri niðurstöðu að áfrýja niðurstöðu nefndarinnar til Íþróttadómstóls ÍSÍ þar sem sundmenn Reykjavíkur sitja ekki við sama borð og þeir sundmenn SH sem fengu að æfa á tímum samkomubanns. Okkar sundmenn voru frá laug í 7 vikur á meðan sundmenn SH voru að æfa. Þessir sundmenn eru að fara að keppa við hvern annan á AMÍ og ÍM50,“ segir í bréfi Ingibjargar. Tengd skjöl Ad_gefnu_tilefni_shhPDF95KBSækja skjal
Íþróttir Sund Sundlaugar Hafnarfjörður Stjórnsýsla Mest lesið Vaktin: Forsetakosningar í Bandaríkjunum Erlent Donald Trump forseti á nýjan leik Erlent Kosningavaktin: Íslendingar ganga að kjörborðinu Innlent Þungur dómur fyrir að drepa son sinn og reyna að drepa annan Innlent „Afskaplega slæmar fréttir fyrir heimshagkerfið“ Innlent Baráttan um Bandaríkin: Donald Trump verður forseti, og hvað svo? Erlent Trump lýsir yfir sigri: Guð hafi bjargað honum svo hann gæti bjargað Ameríku Erlent Íslenskir Trumpistar fylgjast spenntir með skammt frá Trump sjálfum Innlent Horfði upp á fimmtán mínútna dauðastríð í bakgarðinum Innlent Óttast verulegt bakslag á mörgum vígstöðvum Erlent Fleiri fréttir Horfði upp á fimmtán mínútna dauðastríð í bakgarðinum Kosningapallborðið: Formenn Framsóknar, Flokks fólksins og Samfylkingar ræða málin „Afskaplega slæmar fréttir fyrir heimshagkerfið“ Trump snýr aftur með öruggum sigri Veðurviðvaranir í kortunum Þungur dómur fyrir að drepa son sinn og reyna að drepa annan Skrifa skilaboð með báðum og stýra með hnéi Íslenskir Trumpistar fylgjast spenntir með skammt frá Trump sjálfum Grátbiðja deiluaðila að finna lausn Rekstur borgarinnar allur að braggast segir borgarstjóri Fleiri tilkynningar um týnd ungmenni en allt árið í fyrra Eitt barn enn á gjörgæslu og líðan þess stöðug Afskipti af bifreið endaði með handtöku fjögurra manna Lausir hundar hafi drepið fleiri kindur Sögulegt spennustig týnd börn og bugaðir foreldrar Leggja til að stofna þjóðgarð í Dalabyggð Ástand skapaðist vegna skorts á armböndum Keyrði utan vegar og hafnaði á öðrum bíl sem valt Ógnaði barnsmóður sinni með haglabyssu Engar upplýsingar fást um tengsl konunnar við barnið Bein útsending: Frambjóðendur ræða málefni fatlaðs fólks Fjörutíu prósent kjósenda Miðflokks vilja Trump „Við erum ógeðslega sár fyrir hönd barnanna okkar“ Leikskólinn Mánagarður opinn á ný Bein útsending: Loftslagsmál rædd á Umhverfisþingi Frambjóðendur ræða áfengis- og vímuefnamál Perlan þurfi að seljast fyrir áramót svo dæmið gangi upp Hagnast um hálfan milljarð og reiknar með þrefalt meira á næsta ári Bein útsending: Kosningafundur með formönnum flokkanna Fjárhagsáætlun borgarinnar kynnt og Kanar ganga að kjörborðinu Sjá meira