Eitt kórónuveirusmit greindist síðdegis í dag og er talið líklegt að það tengist hópsmiti sem kom upp vegna knattspyrnukonu sem kom til landsins frá Bandaríkjunum á dögunum.
Frá þessu greindi Þórólfur Guðnason sóttvarnarlæknir í kvöldfréttum RÚV í kvöld þar sem hann sagði tilfellið hafa greinst seinnipartinn, eftir að upplýsingafundur almannavarna í dag.
Fjórir einstaklingar höfðu greinst smitaðir í tengslum við umrætt hópslys og fjölmargir eru í sóttkví. Aðspurður um hvort að smitið nú síðdegis tengist hópsmitinu sagði Þórólfur það vera til skoðunar, en það væri líklegt.
