Frumsýna snjallrúm sem bregst við hrotum!

Ergosmart er glænýtt snjallrúm frá Ergomotion, stærsta framleiðanda stillanlegra rúma á heimsvísu. Fyrirtækið er einnig leiðandi í svefntækni og nú frumsýnir Vogue fyrir heimilið rúmið Ergosmart sem mælir svefngæði og bregst við hrotum!

„Við erum ótrúlega stolt af því að bjóða þetta rúm,“ segir Steinn Kári hjá Vogue fyrir heimilið. „Rúmið er þróað í samvinnu við færustu lækna og vísindamenn og nemur það svefntíma, hjartslátt, andardrátt og hreyfingar þess sem sefur í rúminu. Ef þú byrjar að hrjóta bregst rúmið til dæmis við með því að hækka örlítið undir höfuðlaginu svo hroturnar hætta. Rúmið lækkar sig síðan smám saman aftur þegar viðkomandi hættir að hrjóta. Við hvetjum fólk til þess að koma við og prófa rúmið í búðinni hjá okkur,“ segir Steinn en 20% afsláttur er veittur af Ergosmart næstu daga.

Stýrt með appi í símanum

Rúminu er stjórnað á einfaldan hátt með appi í símann. Þar hlaðast inn tölulegar upplýsingar um nóttina og að morgni er hægt að skoða svefnmunstrið nákvæmlega. Rúmið nemur hjartslátt, öndunartíðni, hreyfingar og fleira og skrásetur upplýsingarnar. Svefni þínum er gefið heildareinkun á hverjum morgni þannig að hægt er að fylgjast vel með þróun svefngæða þinna.

„Með þessu fær fólk yfirsýn á það hvernig hegðar það sér í svefni og getur þá unnið að því að bæta það sem betur má fara og auka svefngæði,“ útskýrir Steinn.

"Góður svefn er jú lykillinn að góðum degi. Rúmin eru á 20 % afslætti næstu daga og hvetjum við fólk til þess að koma til okkar í Vogue fyrir heimilið, fræðast frekar og prófa."

Nánar má lesa um rúmin hér.