Grinda­vík marði tíu Þróttara en marka­laust í Breið­holti

Eitt mark var skorað í fyrstu tveimur leikjum dagsins í Lengjudeildinni en heil umferð fer fram í deildinni í dag.

Grindavík marði sigur gegn tíu Þrótturum í Grindavik í dag en Þróttarar voru einum manni færri frá því á 29. mínútu er Guðmundur Friðriksson fékk sitt annað gula spjald.

Sigurmarkið skoraði Oddur Ingi Bjarnason tíu mínútum fyrir leikslok og fyrstu þrjú stig Grindvíkinga í sumar en Þróttarar eru án stiga.

Í Breiðholti gerðu Leiknismenn og Vestri einnig markalaust jafntefli. Bæði lið fengu sín færi en allt kom fyrir ekki og niðurstaðan markalaus.

Leiknir er með fjögur stig eftir fyrstu tvær umferðirnar en þetta var fyrsta stig nýliða Vestra í Lengjudeildinni.