Vika frá síðasta smiti

Enn eru þrjú virk kórónuveirusmit hér á landi en ekkert nýtt smit greindist milli daga. Nýtt smit greindist síðast fyrir viku síðan.

Samkvæmt tölum á covid.is voru 69 sýni tekin síðasta sólarhringinn. Af þeim voru sex tekin hjá Íslenskri erfðagreiningu en 63 á veirufræðideild Landspítalans.

Heildartala þeirra sem greinst hafa með kórónuveiruna sem veldur Covid-19 sjúkdómnum hér á landi er því enn 1.807. 1.794 hafa náð bata en enginn liggur á sjúkrahúsi vegna veirunnar. Í sóttkví eru nú 722 og fjölgaði því lítillega af þeim sem eru í sóttkví milli daga

Þá hafa 21.646 manns nú lokið sóttkví. Alls hafa 63.045 sýni verið tekin hér á landi.

Tíu hafa látist af völdum Covid-19 hér á landi.