Hjúkrunarfræðingar funda í Karphúsinu

Fundur er hafinn í húsakynnum ríkissáttasemjara milli samninganefnda ríkisins og hjúkrunarfræðinga.

Fundurinn hófst nú klukkan 14:00 en hjúkrunarfræðingar hafa verið án samnings frá því lok mars árið 2019. Mikillar óánægju hefur gætt á meðal hjúkrunarfræðinga vegna stöðunnar en mikið hefur mætt á stéttinni í kórónuveirufaraldrinum sem geisað hefur um landið undanfarna mánuði.

Um mánaðamótin mars/apríl féll niður vaktaálagsauki hjúkrunarfræðinga sem svaraði til tuga þúsunda króna. Aðgerðin var hluti af umfangsmiklum sparnaðaraðgerðum hjá Landspítalanum.