Einungis eitt virkt smit í landinu

Enginn greindist með kórónuveiruna síðasta sólarhringinn hér á landi samkvæmt nýjum tölum á Covid.is sem birtar voru um klukkan 13. Fólki í sóttkví fjölgar nokkuð milli sólarhringa.

Staðfest smit eru því, líkt og í gær, 1.805, en einungis eitt virkt smit er þá í landinu nú.

Alls voru 350 sýni tekin í gær - 66 hjá sýkla- og veirufræðideild Landspítalans og 284 hjaÍslenskri erfðagreiningu og var ekkert þeirra jákvætt. Alls hafa nú verið tekin 60.491 sýni frá upphafi faraldursins.

Enginn liggur inni á sjúkrahúsi með Covid-19 þessa stundina og hafa 1.794 náð bata. Fólk í sóttkví er nú 1.111, en alls hafa 20.551 lokið sóttkví.

Tíu hafa látist af völdum úr veirunnar.