Samherji Gylfa segir frá andlegum erfiðleikum: Brotnaði niður og grét fyrir framan fjölskylduna

Michael Keane, varnarmaður Everton og samherja Gylfa Sigurðssonar hjá Everton, segist hafa barist við andleg veikindi í upphafi tíma síns hjá Everton en hann gekk í raðir liðsins frá Burnley árið 2017.

Keane meiddist skömmu eftir að hafa keyptur til Everton fyrir 30 milljónir punda og hann segir að meiðslin hafi ekki hjálpað til á vellinum þar sem Keane var gagnrýndur fyrir frammistöðu sína.

Everton gekk heldur ekki vel inni á vellinum og Keane segir að hann hafi hálfpartinn lokað sig inni vegna bæði meiðslanna og frammistöðu Everton inni á vellinum. Hann vildi heldur ekki sitja bara upp í stúku, meiddur og horfa á liðsfélaga sína þaðan.

„Ég vildi ekki fara út og ég vildi ekki hitta neinn. Ég skammaðist mín fyrir það hvernig hlutirnir voru að fara á vellinum svo ég vildi ekki sjást einhvers staðar og ég vildi ekki gera neitt,“ sagði Keane.

„Ég hélt þessu inni lengi og lagði hart að mér að snúa hlutunum við á vellinum og ég endaði á því að brotna niður. Ég grét fyrir framan fjölskyldu mína og útskýrði hvernig mér leið.“

„Það var mjög stórt augnablik fyrir mig og þá var ég algjörlega á botninum. Frá þeirri stund hef ég orðið betri og betri með hjálp fjölskyldu minnar og vinna. Ég talaði við íþróttasálfræðing sem ég geri enn til að halda mér við,“ sagði Keane.