Nemendur Jafnréttisskólans taka á móti forsetahjónunum Heimsljós 15. maí 2020 11:34 Kristinn Ingvarsson Í stað árlegrar heimsóknar nemenda Jafnréttisskólans á Bessastaði tóku nemendur skólans á móti forsetahjónunum, Guðna Th. Jóhannessyni og Elízu Reid, í Háskóla Íslands á dögunum. Tuttugu sérfræðingar frá þróunarríkjunum og átakasvæðum eru í skólanum á þessu ári og þeir útskrifast eftir rúma viku. Jafnréttisskóli GRÓ – þekkingarmiðstöðvar þróunarsamvinnu er hluti af alþjóðlegri þróunarsamvinnu Íslands og starfar undir merkjum UNESCO, Menningar-, mennta- og vísindastofnunar Sameinuðu þjóðanna. Enginn nemenda fór heim þegar kórónaveirufaraldurinn fór að láta að sér kveða og þess er vænst að allir komist til síns heima þegar náminu lýkur í næstu viku. Fyrir hönd nemenda töluðu tveir fulltrúar í heimsókn forsetahjónanna, þær Kinita Shenoy frá Indlandi/Sri Lanka og Shaimim Nampijja frá Úganda. Shaimim lýsti fyrir forsetahjónunum hvernig faraldurinn markaði námið í Jafnréttisskólanum, hvernig nemendur skemmtu sér meðal annars að því að fylgjast með virtum prófessorum og kennurum reyna að átta sig á netfundaforritum með tuttugu starfandi andlit á skjánum. „En það voru ekki aðeins kennararnir sem þurftu að aðlaga sig og læra. Við þurfum öll að aðlaga okkur breyttu umhverfi, flytja kynningar á netinu, taka þátt í umræðum eða sitja netfundi,“ sagði hún. Kinita Shenoy fjallaði einnig um áhrif COVID-19 og benti á að þrátt fyrir að sjúkdómurinn sjálfur leggist verr á karlmenn séu áhrif hans alvarlegri á líf kvenna. „Efnahagsleg áhrif sjúkdómsins koma sérstaklega illa við fátækt og jaðarsett fólk, víða um heim. Konur sem vinna ólaunuð störf á heimilum sitja nú fastar í fullri vinnu allan sólarhringinn og frásagnir af aukni heimilisofbeldi berast víða að. En heimsfaraldurinn gefur einnig tækifæri til að staldra við og skoða hvernig ráðandi samfélagsmynstur leiðir af sér óréttlæti. Nú verða til tækifæri til að skoða betur hvað veldur óréttlæti og hvernig megi uppræta það til að auka bæði efnahagslegt- og kynjajafnrétti,“ sagði Kinita. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Forseti Íslands Jafnréttismál Skóla - og menntamál Mest lesið Starfsmenn Kubbs og Terra grunaðir um samráð Innlent Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Pallborðið: Dómgreindarbrestur hjá CoolBet Innlent Falsað myndband af kennara og nemanda fór í dreifingu Innlent Brunaði austur til að finna litla frænda Innlent Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Innlent Sigmundur seinn: „Er þingmaðurinn í salnum?“ Innlent Halla tekur sér frí og vill að karlmenn axli ábyrgð Innlent Stöðugleiki norðlægrar hringrásar skammgóður vermir fyrir Ísland Innlent
Í stað árlegrar heimsóknar nemenda Jafnréttisskólans á Bessastaði tóku nemendur skólans á móti forsetahjónunum, Guðna Th. Jóhannessyni og Elízu Reid, í Háskóla Íslands á dögunum. Tuttugu sérfræðingar frá þróunarríkjunum og átakasvæðum eru í skólanum á þessu ári og þeir útskrifast eftir rúma viku. Jafnréttisskóli GRÓ – þekkingarmiðstöðvar þróunarsamvinnu er hluti af alþjóðlegri þróunarsamvinnu Íslands og starfar undir merkjum UNESCO, Menningar-, mennta- og vísindastofnunar Sameinuðu þjóðanna. Enginn nemenda fór heim þegar kórónaveirufaraldurinn fór að láta að sér kveða og þess er vænst að allir komist til síns heima þegar náminu lýkur í næstu viku. Fyrir hönd nemenda töluðu tveir fulltrúar í heimsókn forsetahjónanna, þær Kinita Shenoy frá Indlandi/Sri Lanka og Shaimim Nampijja frá Úganda. Shaimim lýsti fyrir forsetahjónunum hvernig faraldurinn markaði námið í Jafnréttisskólanum, hvernig nemendur skemmtu sér meðal annars að því að fylgjast með virtum prófessorum og kennurum reyna að átta sig á netfundaforritum með tuttugu starfandi andlit á skjánum. „En það voru ekki aðeins kennararnir sem þurftu að aðlaga sig og læra. Við þurfum öll að aðlaga okkur breyttu umhverfi, flytja kynningar á netinu, taka þátt í umræðum eða sitja netfundi,“ sagði hún. Kinita Shenoy fjallaði einnig um áhrif COVID-19 og benti á að þrátt fyrir að sjúkdómurinn sjálfur leggist verr á karlmenn séu áhrif hans alvarlegri á líf kvenna. „Efnahagsleg áhrif sjúkdómsins koma sérstaklega illa við fátækt og jaðarsett fólk, víða um heim. Konur sem vinna ólaunuð störf á heimilum sitja nú fastar í fullri vinnu allan sólarhringinn og frásagnir af aukni heimilisofbeldi berast víða að. En heimsfaraldurinn gefur einnig tækifæri til að staldra við og skoða hvernig ráðandi samfélagsmynstur leiðir af sér óréttlæti. Nú verða til tækifæri til að skoða betur hvað veldur óréttlæti og hvernig megi uppræta það til að auka bæði efnahagslegt- og kynjajafnrétti,“ sagði Kinita. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Forseti Íslands Jafnréttismál Skóla - og menntamál Mest lesið Starfsmenn Kubbs og Terra grunaðir um samráð Innlent Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Pallborðið: Dómgreindarbrestur hjá CoolBet Innlent Falsað myndband af kennara og nemanda fór í dreifingu Innlent Brunaði austur til að finna litla frænda Innlent Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Innlent Sigmundur seinn: „Er þingmaðurinn í salnum?“ Innlent Halla tekur sér frí og vill að karlmenn axli ábyrgð Innlent Stöðugleiki norðlægrar hringrásar skammgóður vermir fyrir Ísland Innlent
Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Innlent
Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Innlent